ನವದೆಹಲಿ- ಭಾರತೀಯ ಸೇನೆ ಮತ್ತು ಭಾರತೀಯ ವಾಯುಪಡೆಯ ಶೌರ್ಯ ಹಾಗೂ ತ್ಯಾಗವನ್ನು ಸ್ಮರಿಸಲು, 1984ರಲ್ಲಿ ಇದೇ ದಿನ ಪ್ರಾರಂಭಿಸಲಾದ ಐತಿಹಾಸಿಕ ಆಪರೇಷನ್ ಮೇಘದೂತ್ಗೊಂದು ಗೌರವಸೂಚಕ ನಮನ ಸಲ್ಲಿಸಲಾಗುತ್ತಿದೆ.
ಈ ಕಾರ್ಯಾಚರಣೆ, ಉತ್ತರ ಲಡಾಖ್ನ ಸಿಯಾಚಿನ್ ಹಿಮನದಿಯಲ್ಲಿ ಕಾರ್ಯತಂತ್ರದ ದೃಷ್ಟಿಯಿಂದ ಅತ್ಯಂತ ಮಹತ್ವದ ಎತ್ತರಗಳನ್ನು ಭದ್ರಪಡಿಸುವ ಉದ್ದೇಶದಿಂದ ಆರಂಭವಾಯಿತು.
ಭಾರತೀಯ ವಾಯುಪಡೆಯು ಈ ಕಾರ್ಯಾಚರಣೆಯಲ್ಲಿ ಪ್ರಮುಖ ಪಾತ್ರವಹಿಸಿ, ಭಾರತೀಯ ಸೇನೆಯ ಜವಾನರನ್ನು ವಿಮಾನಗಳ ಮೂಲಕ ಹಿಮಾಲಯದ ಶಿಖರಗಳ ಮೇಲೆ ಸಾಗಿಸಿ, ಕಠಿಣ ಹವಾಮಾನ ಹಾಗೂ ದುರ್ಬಲ ಆಕ್ಸಿಜನ್ ಮಟ್ಟದ ನಡುವೆಯೂ ಯಶಸ್ವಿಯಾಗಿ ಮಿಲಿಟರಿ ನೆಲೆಯನ್ನು ಸ್ಥಾಪಿಸುವಲ್ಲಿ ನೆರವಾಯಿತು.
ವಿಶ್ವದ ಅತಿ ಎತ್ತರದ ಯುದ್ಧಭೂಮಿಯಾಗಿ ಪರಿಗಣಿಸಲ್ಪಡುವ ಸಿಯಾಚಿನ್ನಲ್ಲಿ, ನಮ್ಮ ಯೋಧರ ಧೈರ್ಯ, ಸಂಕಲ್ಪ ಮತ್ತು ಶ್ರೇಷ್ಠತೆಯು ಭಾರತಕ್ಕೆ ಕಾರ್ಯತಂತ್ರದ ಸ್ಥಿತಿಗತಿಯಲ್ಲಿ ಸ್ಪಷ್ಟವಾದ ಪ್ರಾಬಲ್ಯವನ್ನು ನೀಡಿದೆ. ಸುಮಾರು ನಾಲ್ಕು ದಶಕಗಳ ಹಿಂದೆ ನಡೆದ ಈ ಕಾರ್ಯಾಚರಣೆ, ಭಾರತ ರಾಷ್ಟ್ರದ ರಕ್ಷಣಾತ್ಮಕ ನಿಲುವು, ತಂತ್ರಜ್ಞಾನದ ಬಳಸಿಕೆ ಹಾಗೂ ಸೈನಿಕ ಶೌರ್ಯದ ಶಕ್ತಿಯ ಪರಿಕಾಯವಾಗಿದೆ.
ಈ ಸಂದರ್ಭದಲ್ಲಿ, ದೇಶದ ಶಾಂತಿ ಮತ್ತು ಭದ್ರತೆಗೆ ತಮ್ಮ ಪ್ರಾಣವನ್ನೇ ತ್ಯಾಗ ಮಾಡಿದ ಯೋಧರನ್ನು ಸ್ಮರಿಸುತ್ತಾ, ಭಾರತೀಯ ಸೇನೆ ಮತ್ತು ವಾಯುಪಡೆಯ ಎಲ್ಲಾ ಸಿಬ್ಬಂದಿಗೆ ರಾಷ್ಟ್ರದ ಕೃತಜ್ಞತೆ ಸಲ್ಲಿಸಲಾಗುತ್ತದೆ.
