ಭಾರತಕ್ಕೆ ಬರುತ್ತಿದೆ ಬ್ರಹ್ಮೋಸ್ ಮೀರಿಸುವ ಹೈಪರ್‌ಸಾನಿಕ್ ಕ್ಷಿಪಣಿ – ಪಾಕಿಸ್ತಾನದಲ್ಲಿ ಆತಂಕ

ನವದೆಹಲಿ: ಭಾರತವು ತನ್ನ ಶಸ್ತ್ರಾಸ್ತ್ರ ಸಾಮರ್ಥ್ಯವನ್ನು ಮತ್ತಷ್ಟು ಬಲಪಡಿಸಲು ಮುಂದಾಗಿದೆ. ಪಾಕಿಸ್ತಾನದ ಆತಂಕವನ್ನು ಹೆಚ್ಚಿಸುವ ರೀತಿಯಲ್ಲಿ, ಬ್ರಹ್ಮೋಸ್ ಕ್ಷಿಪಣಿಗಿಂತಲೂ ಶಕ್ತಿಶಾಲಿ ಎಂದು ಪರಿಗಣಿಸಲಾಗಿರುವ ಆರ್-37ಎಂ ಹೈಪರ್‌ಸಾನಿಕ್ ಕ್ಷಿಪಣಿಯನ್ನು ರಷ್ಯಾದಿಂದ ಖರೀದಿಸುವ ಪ್ರಕ್ರಿಯೆ ಆರಂಭವಾಗಿದೆ.

ಮಣಿವೇಗದ (ಗಂಟೆಗೆ 7,400 ಕಿ.ಮೀ.) ಆರ್-37ಎಂ ಕ್ಷಿಪಣಿಯ ವ್ಯಾಪ್ತಿಯು 300–400 ಕಿಲೋಮೀಟರ್‌ಗಳಷ್ಟಿದೆ. ಇದರಿಂದ ಭಾರತೀಯ ವಾಯುಪಡೆಯ ಯುದ್ಧವಿಮಾನಗಳು ತಮ್ಮ ವಾಯುಪ್ರದೇಶದಲ್ಲಿಯೇ ಉಳಿದುಕೊಂಡು ಪಾಕಿಸ್ತಾನದ ಇಸ್ಲಾಮಾಬಾದ್, ಲಾಹೋರ್, ಕರಾಚಿ ಮತ್ತು ರಾವಲ್ಪಿಂಡಿಯಂತಹ ಪ್ರಮುಖ ನಗರಗಳನ್ನು ಗುರಿಯಾಗಿಸಬಹುದಾಗಿದೆ.

ಇದನ್ನು ಓದಿ: ಉದ್ಯೋಗಿಗಳೇ ಗಮನಿಸಿ: ಸಂಬಳ ಖಾತೆಯಿಂದ ಲಭ್ಯವಿರುವ 5 ಆರ್ಥಿಕ ಪ್ರಯೋಜನಗಳು

ನಾಟೋದಲ್ಲಿ “AA-13 Axehead” ಎಂದು ಗುರುತಿಸಲ್ಪಟ್ಟಿರುವ ಈ ಕ್ಷಿಪಣಿ, “ಬಿಯಾಂಡ್ ವಿಷುಯಲ್ ರೇಂಜ್” ವಿಭಾಗದಲ್ಲಿ ವಿಶ್ವದ ಅತ್ಯಂತ ಮಾರಕ ಕ್ಷಿಪಣಿಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ರಾಡಾರ್‌ನಲ್ಲಿ ಪತ್ತೆಯಾಗದ ಈ ತಂತ್ರಜ್ಞಾನ, ಭಾರತೀಯ ವಾಯುಪಡೆಯ ಸಾಮರ್ಥ್ಯವನ್ನು ಹೊಸ ಹಂತಕ್ಕೆ ಏರಿಸುವ ನಿರೀಕ್ಷೆಯಿದೆ.

ಈ ಬೆಳವಣಿಗೆ ಪಾಕಿಸ್ತಾನದಲ್ಲಿ ಚಿಂತೆ ಹೆಚ್ಚಿಸಿದೆ. ಇತ್ತೀಚಿನ ಭಯೋತ್ಪಾದಕ ದಾಳಿಗಳ ನಂತರ ಭಾರತ ನಡೆಸಿದ ತೀವ್ರ ಪ್ರತಿಕ್ರಿಯೆ ಈಗಲೂ ಪಾಕಿಸ್ತಾನವನ್ನು ನಡುಗಿಸುತ್ತಿರುವ ಸಂದರ್ಭದಲ್ಲೇ, ಹೊಸ ಹೈಪರ್‌ಸಾನಿಕ್ ಕ್ಷಿಪಣಿ ಸೇರ್ಪಡೆ ಆಗುತ್ತಿರುವುದು ಭದ್ರತಾ ವಲಯದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.