ಬೆಂಗಳೂರು:ಸರಕಾರಿ ಸೇವೆಗಳ ಕುರಿತು ದೂರು ಸಲ್ಲಿಸುವ ಪ್ರಕ್ರಿಯೆ ಇನ್ನೂ ಸುಲಭವಾಗಲಿದೆ. ಕರ್ನಾಟಕದಲ್ಲಿ ಡಿಸೆಂಬರ್ನಲ್ಲಿ ಜಾರಿಗೆ ತರಲು ಸಜ್ಜಾಗಿರುವ AI ಆಧಾರಿತ ದೂರು ನಿಯಂತ್ರಣಾ ವ್ಯವಸ್ಥೆ (Artificial Intelligence-Enabled Grievance Redressal System) ಮೂಲಕ, ಸಾರ್ವಜನಿಕರು ಕೇವಲ ಮೂಲಭೂತ ಮಾಹಿತಿ ಮತ್ತು ಕೆಲವು ಕೀವರ್ಡ್ಗಳನ್ನು ನೀಡಿದರೆ, ಎಐ ಸ್ವಯಂಚಾಲಿತವಾಗಿ ದೂರು ಪತ್ರವನ್ನು ರಚಿಸಿ ಸಂಬಂಧಪಟ್ಟ ಅಧಿಕಾರಿಗಳಿಗೆ ಕಳುಹಿಸುತ್ತದೆ.
ಈ ಹೊಸ ವ್ಯವಸ್ಥೆಯೊಂದಿಗೆ, ವಿದ್ಯುತ್ ಸಂಪರ್ಕ, ನೀರು, ರಸ್ತೆ ಸಮಸ್ಯೆ ಮತ್ತು ಸರ್ಕಾರಿ ಯೋಜನೆಗಳ ಬಗ್ಗೆ ದೀರ್ಘ ಪತ್ರ ಬರೆಯಬೇಕಾದ ಅಗತ್ಯವಿಲ್ಲ. ಎಐ ಸಿಸ್ಟಮ್ ಕನ್ನಡ ಮತ್ತು ಇಂಗ್ಲಿಷ್ ಎರಡೂ ಭಾಷೆಗಳಲ್ಲಿ ಲಭ್ಯವಾಗಲಿದೆ.
ಪ್ರಸ್ತುತ ಪ್ರಕ್ರಿಯೆಯಲ್ಲಿ, ಸಾರ್ವಜನಿಕರು ತಮ್ಮ ವಿವರಗಳು, ಸ್ಥಳ ಮತ್ತು ದೂರಿನ ವಿಷಯ ಸೇರಿದಂತೆ, ಇಲಾಖೆಯನ್ನು ಆಯ್ಕೆ ಮಾಡಬೇಕು. ಆದರೆ ಹೊಸ ವ್ಯವಸ್ಥೆಯಲ್ಲಿ, ಕೇವಲ ಮೂಲಭೂತ ಮಾಹಿತಿ ನೀಡಿದರೆ ಸಾಕಾಗುತ್ತದೆ, ದೂರು ಸ್ವಯಂಚಾಲಿತವಾಗಿ ಸಂಬಂಧಪಟ್ಟ ಇಲಾಖೆಗೆ ತಲುಪುತ್ತದೆ ಎಂದು ಅಧಿಕಾರಿಗಳು ತಿಳಿಸಿದರು.
21 ದಿನದಲ್ಲಿ ಪರಿಹಾರ:
- ದೂರು ಸಲ್ಲಿಸಿದ 7 ದಿನಗಳಲ್ಲಿ ಕಿರಿಯ ಅಧಿಕಾರಿಗಳು ಪರಿಹಾರ ನೀಡಬೇಕು.
- 7 ದಿನಗಳಲ್ಲಿ ಸಮಸ್ಯೆ ಪರಿಹರಿಸದಿದ್ದರೆ, 8ನೇ ದಿನದಲ್ಲಿ ದೂರು ಸ್ವಯಂಚಾಲಿತವಾಗಿ ಹಿರಿಯ ಅಧಿಕಾರಿಗೆ ವರ್ಗಾಯಿತಾಗುತ್ತದೆ.
- ಅಲ್ಲಿಯೂ ಪರಿಹಾರ ಸಿಗದಿದ್ದರೆ 15ನೇ ದಿನದಂದು ಮುಖ್ಯಾಧಿಕಾರಿಗೆ ಕಳುಹಿಸಲಾಗುತ್ತದೆ.
- ಅಂತಿಮವಾಗಿ, 21 ದಿನಗಳಲ್ಲಿ ಸಮಸ್ಯೆಗೆ ತಕ್ಕ ಪರಿಹಾರ ನೀಡಲಾಗುವುದು.
ಈ ಯೋಜನೆ ಈಗ ಅಭಿವೃದ್ಧಿ ಹಂತದಲ್ಲಿದ್ದು, ಮುಂದಿನ ತಿಂಗಳು ಕಾರ್ಯರೂಪ ಪಡೆಯುವ ನಿರೀಕ್ಷೆ ಇದೆ.
ಸಂಪರ್ಕದ ವೆಬ್ಸೈಟ್:
ಪ್ರಸ್ತುತ, ಸಾರ್ವಜನಿಕರು 2021 ರಿಂದ ಜಾರಿಗೆ ಬಂದ iPGRS ವೆಬ್ಸೈಟ್ ಬಳಸಿ ದೂರು ಸಲ್ಲಿಸಬಹುದು.
[…] ಇದನ್ನು ಓದು: ಕರ್ನಾಟಕದಲ್ಲಿ AI ಆಧಾರಿತ ದೂರು ವ್ಯವಸ್ಥೆ: 21… […]