ವಡೋದರಾ ಮೂಲದ ಅಸೋಸಿಯೇಟೆಡ್ ಪವರ್ ಸ್ಟ್ರಕ್ಚರ್ ಆರಂಭಿಕ ಸಾರ್ವಜನಿಕ ಹಂಚಿಕೆ (ಐಪಿಒ)ಗಾಗಿ ಸೆಬಿಗೆ ಕರಡು ದಾಖಲೆಗಳನ್ನು ಸಲ್ಲಿಕೆ ಮಾಡಿದೆ. 2 ರೂ ಮುಖ ಬೆಲೆಯ ಇಕ್ವಿಟಿ ಷೇರುಗಳ ಹಂಚಿಕೆ ಪ್ರಸ್ತಾಪಿಸಲಾಗಿದ್ದು 400 ಕೋಟಿ ಮೌಲ್ಯದ ಹೊಸ ಸಂಚಿಕೆ ಮತ್ತು ಪ್ರಮೋಟರರ್ಸ್ ಗಳಾದ ಅಜಯ್ ಮುಕುಂದ್ ಪಟೇಲ್, ಪರಾಗ್ ಕೊಠಾರಿ ಮತ್ತು ಸತೀಶ್ ದೇಸಾಯಿ ಅವರಿಂದ 71,42,860 ಇಕ್ವಿಟಿ ಷೇರುಗಳು ಆಫರ್ ಫಾರ್ ಸೇಲ್ ನಲ್ಲಿವೆ.
320 ಕೋಟಿ ಮೌಲ್ಯದ ಹೊಸ ಸಂಚಿಕೆಯಿಂದ ಸಂಗ್ರಹಿಸಲಾದ ಹಣವನ್ನು ಸಂಸ್ಥೆ ಪಡೆದಿರುವ ಬಾಕಿ ಸಾಲಗಳ ಎಲ್ಲಾ ಅಥವಾ ಒಂದು ಭಾಗದ ಮುಂಗಡ ಅಥವಾ ಮರುಪಾವತಿಗೆ , ಕಾರ್ಪೋರೇಟ್ ಸಾಮಾನ್ಯ ಉದ್ದೇಶಗಳಿಗೆ ಬಳಸಲಾಗುವುದು .
ಈ ಹಂಚಿಕೆಯನ್ನು ಸೆಬಿಯ ಐಸಿಡಿಆರ್ ನಿಯಮಾವಳಿಗಳಿಗೆ ಅನುಸಾರವಾಗಿ ಬುಕ್ ಬಿಲ್ಡಿಂಗ್ ವಿಧಾನದಲ್ಲಿ ನಡೆಸಲಾಗುತ್ತಿದ್ದು ಅರ್ಹ ಸಾಂಸ್ಥಿಕ ಖರೀದಿದಾರರಿಗೆ ಶೇ. 50 ರಷ್ಟು, ಸಾಂಸ್ಥಿಕೇತರ ಹೂಡಿಕೇದಾರರಿಗೆ (ನಾನ್ ಇನ್ಸ್ಟಿಟ್ಯೂಶನ್) ಶೇ. 15ರಷ್ಟು ಹಾಗೂ ಚಿಲ್ಲರೆ ವೈಯಕ್ತಿಕ ಹೂಡಿಕೆದಾರರಿಗೆ (ರಿಟೇಲ್) ಶೇ. 35ರಷ್ಟು ಮೀಸಲಿಡಲಾಗಿದೆ.
ಸಂಸ್ಥೆಯು ಬುಕ್ ರನ್ನಿಂಗ್ ಲೀಡ್ ಮ್ಯಾನೇಜರ್ ಸಮಾಲೋಚಿಸಿ 80 ಕೋಟಿ ವರೆಗೆ ಐಪಿಒ ಪೂರ್ವ ನಿಯೋಜನೆಯನ್ನು ನಿರ್ಧರಿಸಬಹುದಾಗಿದೆ. ಸಂಸ್ಥೆಯ ಕಾರ್ಯಾಚರಣೆಯಿಂದ ಬರುವ ಆದಾಯವು ಹಣಕಾಸು ವರ್ಷ 2025ರಲ್ಲಿ ರೂ. 1216 ಕೋಟಿ ಆಗಿದ್ದು, ಹಣಕಾಸು ವರ್ಷ 2024ರಲ್ಲಿ ರೂ. 619 ಕೋಟಿ ಆಗಿತ್ತು. 2023,24ಕ್ಕೆ ಹೋಲಿಸಿದ್ದಲ್ಲಿ ಹೆಚ್ಚುವರಿಯಾಗಿ ಸಂಸ್ಥೆಯ ಒಟ್ಟೂ ಆದಾಯವು 2025ರಲ್ಲಿ 63.2 ಕೋಟಿಗೆ ಏರಿಕೆಯಾಗಿದೆ.
ಇದನ್ನು ಓದಿ: ಎಮ್ಎಸ್ಎಮ್ಇ ಅಭಿವೃದ್ಧಿಗೆ ಡೆವಲಪ್ಮೆಂಟ್ ಆಫ್ ಇಂಡಸ್ಟ್ರಿ ಅಸೋಸಿಯೇಶನ್ ಆರಂಭಿಸಿದ ಸಿಡ್ಬಿ
ಜುಲೈ 31, 2025 ರ ಹೊತ್ತಿಗೆ ಅಸೋಸಿಯೇಟೆಡ್ ಪವರ್ ಸ್ಟ್ರಕ್ಚರ್ಸ್ ಆರ್ಡರ್ ಬುಕ್ ರೂ 3790 ಕೋಟಿಗಳಾಗಿದ್ದು, ಇದರಲ್ಲಿ ಟವರ್ಗಳು ಮತ್ತು ಲ್ಯಾಟಿಸ್ ರಚನೆಗಳ ಪೂರೈಕೆಗಾಗಿ ರೂ 979.6 ಕೋಟಿಗಳು ಮತ್ತು ಇಪಿಸಿಗೆ ರೂ 2810.4 ಕೋಟಿಗಳು ಸೇರಿವೆ. ಜುಲೈ 31, 2025 ರ ಹೊತ್ತಿಗೆ, ಇದು 4,177.84 ಸಿಕೆಎಂ ಟ್ರಾನ್ಸ್ಮಿಷನ್ ಲೈನ್ಗಳ ನಿರ್ಮಾಣ ಮತ್ತು 154,295.00 ಮೆಟ್ರಿಕ್ ಟನ್ಗಿಂತ ಹೆಚ್ಚು ಲ್ಯಾಟಿಸ್ ರಚನೆಗಳು ಮತ್ತು ಏಳು ಸಬ್ಸ್ಟೇಷನ್ಗಳ ಪೂರೈಕೆ, ವಿನ್ಯಾಸ, ಎಂಜಿನಿಯರಿಂಗ್ ಮತ್ತು ನಿರ್ಮಾಣವನ್ನು ಒಳಗೊಂಡ 37 ಯೋಜನೆಗಳನ್ನು ಹೊಂದಿದೆ.
ಐಐಎಫ್ಎಲ್ ಕ್ಯಾಪಿಟಲ್ ಸರ್ವೀಸಸ್ ಮತ್ತು ಇಂಡೋರಿಯಂಟ್ ಫೈನಾನ್ಷಿಯಲ್ ಸರ್ವೀಸಸ್ ಲಿಮಿಟೆಡ್ ಬುಕ್-ರನ್ನಿಂಗ್ ಲೀಡ್ ಮ್ಯಾನೇಜರ್ಗಳಾಗಿದ್ದು, ಎಂಯುಎಫ್ಜಿ ಇಂಟೈಮ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ಈ ಹಂಚಿಕೆಯ ರಿಜಿಸ್ಟ್ರಾರ್ ಆಗಿದೆ. ಈಕ್ವಿಟಿ ಷೇರುಗಳನ್ನು ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್ ಆಫ್ ಇಂಡಿಯಾ ಲಿಮಿಟೆಡ್ ಮತ್ತು ಬಿಎಸ್ಇ ಲಿಮಿಟೆಡ್ನಲ್ಲಿ ಪಟ್ಟಿ ಮಾಡಲು ಪ್ರಸ್ತಾಪಿಸಲಾಗಿದೆ
[…] ಇದನ್ನು ಓದಿ: ಐಪಿಒ ಅದೃಷ್ಟ ಪರೀಕ್ಷೆಗೆ ಅಸೋಸಿಯೇಟೆಡ್ ಪ… […]
[…] ಇದನ್ನು ಓದಿ: ಐಪಿಒ ಅದೃಷ್ಟ ಪರೀಕ್ಷೆಗೆ ಅಸೋಸಿಯೇಟೆಡ್ ಪ… […]