ವರ್ಷದ ಕೊನೆಯಲ್ಲಿ ಬ್ಯಾಂಕ್ಗಳು ಫುಲ್ ಬ್ಯುಸಿಯಾಗುತ್ತವೆ. ಹಾಗೇ, ಇಂದು (ಮಾ.31) ಅನೇಕ ಬ್ಯಾಂಕ್ಗಳಿಗೆ ರಜಾ. ಕೆಲವು ಕಾರ್ಯ ನಿರ್ವಹಿಸಿದರೂ ಗ್ರಾಹಕರಿಗೆ ಸೇವೆ ಲಭ್ಯ ಇರೋದಿಲ್ಲ. ಇಯರ್ ಎಂಡ್ ಆಗಿರೋದ್ರಿಂದ ಬ್ಯಾಂಕ್ಗಳಿಗೆ ತಮ್ಮದೇ ಆದ ಕೆಲಸಗಳು ಇರುತ್ತವೆ.
ಹಾಗೇ, ನಾಳೆಯಿಂದ ಏಪ್ರಿಲ್ ತಿಂಗಳು ಆರಂಭವಾಗಲಿದ್ದು, ಹೊಸ ಆರ್ಥಿಕ ವರ್ಷದ ಆರಂಭವಾಗಲಿದೆ. ಹಾಗೇ, ಗ್ರಾಹಕರಿಗೂ ಬ್ಯಾಂಕ್ ಕೆಲಸಗಳು ಇರುತ್ತವೆ. ಮಾರ್ಚ್ 20ರ ನಂತರ ಬ್ಯಾಂಕ್ಗಳು ಸರಿಯಾಗಿ ಕಾರ್ಯ ನಿರ್ವಹಿಸಲಿಲ್ಲ. ಕಾರಣ ವಿವಿಧ ಹಬ್ಬಗಳೂ ಇದ್ದವು. ಏಪ್ರಿಲ್ 1ರ ನಂತರವೇ ಇನ್ನು ವ್ಯವಹಾರಗಳು ಎಂದು ಕೂಡ ಗ್ರಾಹಕರು ಕಾಯುತ್ತಿದ್ದಾರೆ. ಹಾಗಾಗಿ, ರಾಜ್ಯದಲ್ಲಿ ಏಪ್ರಿಲ್ ತಿಂಗಳಲ್ಲಿ ಬ್ಯಾಂಕ್ಗಳಿಗೆ ಎಷ್ಟುದಿನ ರಜೆ ಇರಲಿವೆ? ಯಾವಾಗ ಕಾರ್ಯ ನಿರ್ವಹಿಸಲಿವೆ ಎಂಬುದರ ವಿವರ ಇಲ್ಲಿದೆ..
ರಾಜ್ಯದಲ್ಲಿ ಬ್ಯಾಂಕ್ ರಜಾದಿನಗಳ ಪಟ್ಟಿ
ಏಪ್ರಿಲ್ 1: ಹೊಸ ಆರ್ಥಿಕ ವರ್ಷ (ಬ್ಯಾಂಕ್ಗಳು ತೆರೆದಿದ್ದರೂ, ಗ್ರಾಹಕರ ಸೇವೆ ಲಭ್ಯತೆ ಇರಲ್ಲ)
ಏಪ್ರಿಲ್ 3: ಗುಡ್ ಫ್ರೈಡೇ
ಏಪ್ರಿಲ್: 5 ಭಾನುವಾರ
ಏಪ್ರಿಲ್ 11: 2ನೇ ಶನಿವಾರ
ಏಪ್ರಿಲ್ 12: ಭಾನುವಾರ
ಏಪ್ರಿಲ್ 14: ಡಾ. ಅಂಬೇಡ್ಕರ್ ಜಯಂತಿ
ಏಪ್ರಿಲ್ 19: ಭಾನುವಾರ
ಏಪ್ರಿಲ್ 20: ಬಸವಜಯಂತಿ
ಏಪ್ರಿಲ್ 25: ನಾಲ್ಕನೇ ಶನಿವಾರ
ಏಪ್ರಿಲ್ 26 ಭಾನುವಾರ
ದೇಶದ ವಿವಿಧೆಡೆ ಬ್ಯಾಂಕ್ಗಳಿಗೆ ರಜಾ
ಇನ್ನು ಏಪ್ರಿಲ್ನಲ್ಲಿ ರಾಜ್ಯದಲ್ಲಿ ಬ್ಯಾಂಕ್ಗಳಿಗೆ 10 ದಿನ ರಜಾ ಇದ್ದರೆ, ವಿವಿಧ ರಾಜ್ಯಗಳಿಗೆ ಸ್ಥಳೀಯ ಕಾರಣಗಳಿಗಾಗಿಯೂ ಬೇರೆಬೇರೆ ದಿನ ರಜಾಗಳು ಇರಲಿವೆ. ಏಪ್ರಿಲ್ 2ರಂದು ಕೇರಳದಲ್ಲಿ ಬ್ಯಾಂಕ್ಗಳಿಗೆ ರಜಾ ಇರಲಿದೆ.
ಏಪ್ರಿಲ್ 15 ಮತ್ತು 16: ಏಪ್ರಿಲ್ 15ರಂದು ತ್ರಿಪುರಾ, ಅಸ್ಸಾಂ, ಮಣಿಪುರ, ಕೇರಳ, ಪಶ್ಚಿಮ ಬಂಗಾಳ, ಮತ್ತು ಹಿಮಾಚಲ ಪ್ರದೇಶಗಳಲ್ಲಿ, ಬಂಗಾಳಿ ಹೊಸ ವರ್ಷದ ದಿನ (ನಬಾಬರ್ಶ), ಬೋಹಾಗ್ ಬಿಹು, ವಿಷು ಮತ್ತು ಹಿಮಾಚಲ ದಿನದ ಪ್ರಯುಕ್ತ ಬ್ಯಾಂಕ್ಗಳಿಗೆ ರಜಾ ಇರಲಿದೆ. ಏ.16ರಂದು ಅಸ್ಸಾಂನಲ್ಲಿ ಬ್ಯಾಂಕ್ಗಳು ಕ್ಲೋಸ್ ಆಗಲಿವೆ. ಹಾಗೇ, ಏಪ್ರಿಲ್ 21ರಂದು ತ್ರಿಪುರದಲ್ಲಿ ಬ್ಯಾಂಕ್ಗಳು ಕ್ಲೋಸ್ ಇರುತ್ತವೆ. ಗ್ರಾಹಕರು ಸಂಬಂಧಪಟ್ಟ ಬ್ಯಾಂಕ್ಗಳ ವೆಬ್ಸೈಟ್ಗಳಲ್ಲಿ ರಜಾದಿನವನ್ನ ಗಮನಿಸಿಕೊಂಡು, ವಹಿವಾಟಿಗಾಗಿ ಅಲ್ಲಿಗೆ ಭೇಟಿ ಕೊಡುವುದು ಉತ್ತಮ.
ಡಿಜಿಟಲ್ ಸರ್ವೀಸ್ ಲಭ್ಯ..
ರಾಜ್ಯಾದ್ಯಂತ ಬ್ಯಾಂಕ್ಗಳು 10 ದಿನ ಕಾರ್ಯ ನಿರ್ವಹಿಸೋದಿಲ್ಲ. ಹಾಗಿದ್ದಾಗ್ಯೂ ಡಿಜಿಟಲ್ ಸೇವೆಗಳಲ್ಲಿ ಯಾವುದೇ ತೊಂದರೆ ಆಗೋದಿಲ್ಲ. ನೀವು ಆನ್ಲೈನ್ ಬ್ಯಾಂಕಿಂಗ್ ಸೌಲಭ್ಯ, ಮೊಬೈಲ್ ಆಪ್ ಬ್ಯಾಂಕಿಂಗ್, ಎಟಿಎಂ, ಯುಪಿಐ ಸರ್ವೀಸ್ಗಳನ್ನ ನಿರಂತರವಾಗಿ ಪಡೆಯಬಹುದು. ಬ್ಯಾಂಕ್ಗಳು ರಜಾ ಇದ್ದಾಗ ಅರ್ಜೆಂಟ್ ಆಗಿ ಹಣ ಯಾರಿಗಾದ್ರೂ ವರ್ಗಾಯಿಸಬೇಕು ಅಥವಾ ನೀವು ಯಾರಿಂದನಾದ್ರೂ ಹಣ ಸ್ವೀಕರಿಸಬೇಕು ಎಂದಿದ್ದರೆ ನೀವು ಡಿಜಿಟಲ್ ಸೇವೆಗಳ ಮೂಲಕ ಮಾಡಿಕೊಳ್ಳಬಹುದು. ಬಿಲ್ಗಳ ಪೇಮೆಂಟ್ ಕೂಡ ಮಾಡಬಹುದು.
ದಿನದ ಓಡಾಟ, ಲಾಂಗ್ ರೈಡ್ 2ಕ್ಕೂ ಬೆಸ್ಟ್ Yamaha R3; ಸವಾರರಿಗೆ ಥ್ರಿಲ್ ಕೊಡುವ ಈ ಸ್ಫೋರ್ಟ್ಸ್ ಬೈಕ್ ಬೆಲೆ, ಮೈಲೇಜ್ ವಿವರ ಇಲ್ಲಿದೆ..
ಇನ್ನು ಏಪ್ರಿಲ್ನಲ್ಲಿ ನಿಮಗೆ ಅರ್ಜೆಂಟ್ ಆಗಿ ಬ್ಯಾಂಕ್ ಕೆಲಸಗಳು ಆಗಬೇಕಿದ್ದರೆ, ಆದಷ್ಟು ಬೇಗವಾಗಿ ಮುಗಿಸಿಕೊಳ್ಳಿ. ಕೆಲವೊಂದು ಕೆಲಸಗಳು ಒಂದಿನಕ್ಕೆ ಮುಗಿಯುವಂಥದ್ದಲ್ಲ. 2-3 ದಿನ ತೆಗೆದುಕೊಳ್ಳುತ್ತವೆ. ಮಧ್ಯೆ ರಜಾ ಬಂದಾಗ ತೊಡಕಾಗುತ್ತದೆ. ಹಾಗಾಗಿ, ಏಪ್ರಿಲ್ 1ರ ನಂತರ ಅವಕಾಶ ಸಿಕ್ಕಾಗ ನಿಮ್ಮ ಕೆಲಸ ಮುಗಿಸಿಕೊಳ್ಳುವತ್ತ ಗಮನ ಕೊಡಿ. ಚೆಕ್ ಕ್ಲಿಯರೆನ್ಸ್, ದೊಡ್ಡ ಮೊತ್ತದ ನಗದು ಠೇವಣಿ ಇಡಲು, ಡಿಮ್ಯಾಂಡ್ ಡ್ರಾಫ್ಟ್ ವಿತರಣೆ ಮಾಡಲು ಬ್ಯಾಂಕ್ಗೇ ಹೋಗಬೇಕಾಗುತ್ತದೆ. ಅಂಥ ಕೆಲಸಗಳು ಇದ್ದರೆ, ನೀವು ಮುಗಿಸಿಕೊಳ್ಳೋದು ಬೆಸ್ಟ್.
