‘ಹೃದಯಾಘಾತ’ ಎಂಬ ಮೌನ ಮಹಾಮಾರಿ ಬಗ್ಗೆ ಬೇಡ ಆತಂಕ – ❤️ ಇರಲಿ ಎಚ್ಚರ

ಹೃದಯಘಾತ ಸಮಸ್ಯೆ ಇಂದು ನಿನ್ನೆಯದಲ್ಲಾ, ಮೊದಲಿನಿಂದಲೂ ಇದೆ. ಆದರೆ ಇತ್ತೀಚಿನ ದಿನಗಳಲ್ಲಿ ಹೃದಯಘಾತದಿಂದ ಸಾವು ಸಂಭವಿಸುತ್ತಿರುವ ಪ್ರಕರಣಗಳು ಕಾಣಸಿಗುತ್ತಿರುವುದು ಸ್ವಲ್ಪ ಹೆಚ್ಚಾಗೆ ಇದೇ. ಇನ್ನೂ ಮಾಧ್ಯಮಗಳಲ್ಲಂತೂ ಈ ಪ್ರಕರಣಗಳನ್ನು ಅತೀಯಾಗೇ ಬಿಂಬಿಸುತ್ತಿದ್ದಾರೆ. ಇದಕ್ಕೆ ಒತ್ತು ನೀಡುವಂತೆ, ಹಾಸನದಲ್ಲಿ 40 ದಿನಗಳಲ್ಲಿ, 24 ಜನರ  ಸಾವು ಹೆಚ್ಚು ಚರ್ಚೆಗೆ ಕಾರಣವಾಗುತ್ತಿರುವುದು ಇನ್ನೂ ಆತಂಕವನ್ನು ಉಂಟು ಮಾಡುತ್ತಿದೆ.

ಆಧುನಿಕ ಜಗತ್ತಿನಲ್ಲಿ ಜೀವನದ ವೇಗ, ಆತುರ, ಒತ್ತಡ ಮತ್ತು ಆರೋಗ್ಯದ ಕಡೆ ಅನಾದರವು ಮನುಷ್ಯನ ಹೃದಯದ ಮೇಲೆ ಭಾರಿ ಹೊರೆ ಎತ್ತಿಸುತ್ತದೆ.  ಮಾನವ ಸಮಾಜ ತಲೆಕೆಳಗಾಗುವಷ್ಟು ವೇಗದಲ್ಲಿ ಬದಲಾಗುತ್ತಿದೆ. ಮನುಷ್ಯನು ಬಾಹ್ಯವಾಗಿ ಬಲಿಷ್ಠನಾಗಿದ್ದರೂ, ಅವನ ಹೃದಯ ನಜೂಕಾದ ಗಾಜಿನಂತೆ ಬಡಬಡಿಸುತ್ತಿದೆ.

ದಿನಚರಿ ದಿಕ್ಕು ತಪ್ಪುತ್ತಿದೆ. ವೇಗ, ಸ್ಪರ್ಧೆ, ಒತ್ತಡಗಳು ನಮ್ಮ ಜೀವನ ಶೈಲಿಯನ್ನು ಸಂಪೂರ್ಣವಾಗಿ ಹಿಡಿದಿಡುತ್ತಿವೆ. ಬಹುಪಾಲು ಜನರು ಹೊರಗೆ ಬಲಿಷ್ಠರಂತೆ ಕಾಣಬಹುದು, ಆದರೆ ಒಳಗೆ – ವಿಶೇಷವಾಗಿ ಹೃದಯದಂತೆ ನಾಜೂಕಾದ ಅಂಗಾಂಗಗಳು ದಿನೇ ದಿನೆ ತೀವ್ರ ಹೊರೆ ಅನುಭವಿಸುತ್ತಿವೆ.

ಈ ಹಿನ್ನೆಲೆಯಲ್ಲಿ ‘ಹೃದಯಾಘಾತ’ ಎಂಬ ಮೌನ ಮಹಾಮಾರಿ ಮಾನವ ಸಮಾಜದಲ್ಲಿ ನಿತ್ಯ ಸಾವಿನ ನೃತ್ಯವನ್ನಾಡುತ್ತಿದೆ. ಇದು ವೃದ್ಧರ ಸಮಸ್ಯೆಯಷ್ಟೇ ಅಲ್ಲ, ಯುವಜನರನ್ನೂ ಬಲಿ ಪಡೆದುಕೊಳ್ಳುತ್ತಿರುವ ಕಟು ಸತ್ಯವಾಗಿದೆ.

ಹೃದಯಾಘಾತ ಎಂದರೆ ಕೇವಲ ವೈದ್ಯಕೀಯ ಸ್ಥಿತಿಯೇ ಅಲ್ಲ. ಅದು ಕೆಲವೊಮ್ಮೆ ಯಾವುದೇ ಎಚ್ಚರಿಕೆ ಇಲ್ಲದೆ ಬರುವ, ಜೀವ ಅಪಾಯಕ್ಕೆ ತಂದೂಬಿಡುವ ಜೀವಘಾತಕ ಸ್ಥಿತಿ.

🌍 ಜಾಗತಿಕ ಮತ್ತು ರಾಷ್ಟ್ರಮಟ್ಟದ ಎಚ್ಚರಿಕೆ ಅಂಕಿಅಂಶಗಳು

• ಪ್ರಪಂಚದಾದ್ಯಂತ ಪ್ರತಿದಿನ 49,000 ಜನರು ಹೃದಯ ಸಂಬಂಧಿ ಕಾಯಿಲೆಯಿಂದ ಸಾವನ್ನಪ್ಪುತ್ತಿದ್ದಾರೆ.
• ಪ್ರತಿ ನಿಮಿಷ 34 ಜನರು ಈ ಕಾಯಿಲೆಗೆ ಬಲಿಯಾಗುತ್ತಿದ್ದಾರೆ.
• ಈ ಸಾವುಗಳಲ್ಲಿ 40% ಜನರು 55 ವರ್ಷದೊಳಗಿನವರು, ಮತ್ತು 70% ಮಂದಿ ಆಸ್ಪತ್ರೆಗೆ ತಲುಪುವಷ್ಟರಲ್ಲಿ ಮೃತರಾಗುತ್ತಾರೆ.
• ತಜ್ಞರ ಪ್ರಕಾರ, 80% ಹೃದಯಾಘಾತಗಳು ಸರಿಯಾದ ಜೀವನ ಶೈಲಿ ಹಾಗೂ ತಕ್ಷಣದ ಚಿಕಿತ್ಸೆ ಮೂಲಕ ತಡೆಯಬಹುದಾಗಿತ್ತು.

ಭಾರತದಲ್ಲಿಯ ಸ್ಥಿತಿಗತಿಗಳು ಇನ್ನೂ ಆತಂಕಕಾರಿ:

• ಪ್ರತಿದಿನ 6,000 ಮಂದಿ, ಪ್ರತಿ ಗಂಟೆಗೆ 250 ಮಂದಿ ಹೃದಯಾಘಾತದಿಂದ ಸಾವಿಗೀಡಾಗುತ್ತಿದ್ದಾರೆ.
• ಈ ಸಾವುಗಳಲ್ಲಿ 40% ಜನರು 40 ವರ್ಷಕ್ಕಿಂತ ಕೆಳಗಿನವರು.
• ದಿನದಂದು 20,000 ರಿಂದ 25,000 ಹೃದಯ ಸಂಬಂಧಿತ ತೀವ್ರ ಪ್ರಕರಣಗಳು ದೇಶಾದ್ಯಂತ ದಾಖಲಾಗುತ್ತಿವೆ.
• ಚಿಕಿತ್ಸೆ ಆರಂಭಕ್ಕೆ ತಡವಾಗುವುದು ಜೀವ ಹಾನಿಗೆ ಪ್ರಮುಖ ಕಾರಣವಾಗಿದೆ – CPR ಕುರಿತು ಜಾಗೃತಿ ಇಲ್ಲದಿರುವುದು ಇನ್ನೊಂದು ಸಂಕಟ.

ರಾಜ್ಯಮಟ್ಟದಲ್ಲಿನ ಅಂಕಿ ಅಂಶಗಳು: 

ರಾಜ್ಯಮಟ್ಟದಲ್ಲೂ ಅಂಕಿ ಅಂಶಗಳು ಆತಂಕದ ಸಂಗತಿಗಳನ್ನು ಒಲಿದುಕೊಡುತ್ತವೆ. 2016ರ ಲಭ್ಯವಿರುವ ಡೇಟಾ ಪ್ರಕಾರ, 100,000 ಜನರಿಗೆ ಕರ್ನಾಟಕದಲ್ಲಿ 169/100k ಸಾವುಗಳ ದರ, ಮಹಾರಾಷ್ಟ್ರದಲ್ಲಿ 164/100k, ಅಂಧ್ರಪ್ರದೇಶದಲ್ಲಿ 163/100k, ಗುಜರಾತ್‌ನಲ್ಲಿ 160/100k, ಮತ್ತು ಹರಿಯಾಣದಲ್ಲಿ 175/100k ಕಂಡುಬರುತ್ತದೆ. ದಕ್ಷಿಣ ಮತ್ತು ಪೂರ್ವ ಭಾರತದ ರಾಜ್ಯಗಳಲ್ಲಿ ಈ ಸಾವುಗಳ ಪ್ರಮಾಣ ಹೆಚ್ಚು ಕಂಡುಬರುತ್ತದೆ, ಮಧ್ಯಭಾರತದ ಕೆಲವು ರಾಜ್ಯಗಳಲ್ಲಿ ಹೃದಯರೋಗದ ತೀವ್ರತೆ ಕಡಿಮೆ.

ನಗರ ಪ್ರದೇಶಗಳು – ‘ಆಧುನಿಕತೆ: ಅನಾರೋಗ್ಯದ ಹೊಸ ಮುಖ’

ನಗರ ಜೀವನದಲ್ಲಿ ಶಬ್ದವೇ ಒತ್ತಡ. ಆಡಳಿತಾತ್ಮಕ ಕೆಲಸ, ಟಾರ್ಗೆಟ್ ಗಳು, ದಿನವಿಡೀ ಕಂಪ್ಯೂಟರ್ ಮುಂದೆ ಕೂತು ದುಡಿಯುವ ಜೀವನ ಶೈಲಿ ಹೃದಯಕ್ಕೆ ಸದಾ ಹೊರೆ ಆಗುತ್ತದೆ. ವಿಳಂಬಿತ ಊಟ-ನಿದ್ರೆ ಚಕ್ರ, ಶರೀರ ಚಟುವಟಿಕೆಯ ಕೊರತೆ, ಫಾಸ್ಟ್ ಫುಡ್ ಸೇವನೆ, ಮದ್ಯಪಾನ ಮತ್ತು ಧೂಮಪಾನದಂತಹ ಅಂಶಗಳು ಈ ಸ್ಥಿತಿಯನ್ನು ಇನ್ನಷ್ಟು ಗಂಭೀರಗೊಳಿಸುತ್ತವೆ.

ಇದನ್ನು ಓದಿ: GOOD NEWS: ರಾಜ್ಯಾದ್ಯಂತ ‘ಸ್ಟೆಮಿ ಯೋಜನೆ’ ವಿಸ್ತರಣೆ — ಹೃದಯಾಘಾತಕ್ಕೆ ತಾಲ್ಲೂಕು ಮಟ್ಟದಲ್ಲಿಯೇ ತ್ವರಿತ ಚಿಕಿತ್ಸೆ- ‘ಸ್ಟೆಮಿ ಯೋಜನೆ’ ಎಂದರೇ ???

# ನಗರ ಪ್ರದೇಶಗಳಲ್ಲಿ ಹೃದಯಾಘಾತದ ಪ್ರಮಾಣ: ~190/100,000 ಜನರಿಗೆ.

ಆಸ್ಪತ್ರೆಗಳ ಲಭ್ಯತೆ ಹೆಚ್ಚಿದೆ, ಆದರೆ ವೈಯಕ್ತಿಕ ಎಚ್ಚರಿಕೆ ಕೊರತೆ ಮತ್ತು ತಕ್ಷಣದ CPR ಜ್ಞಾನದ ಕೊರತೆ ಸಾವಿನ ಪ್ರಮಾಣವನ್ನು ತಡೆಯುವುದಿಲ್ಲ.

🏡 ಗ್ರಾಮಾಂತರ ಪ್ರದೇಶಗಳು – ‘ಶ್ರಮದಲ್ಲೂ ಶಾಂತಿ, ಆದರೆ ಚಿಕಿತ್ಸೆ ಕಷ್ಟ’

ಗ್ರಾಮೀಣ ಪ್ರದೇಶದ ಜನ ಜೀವನ ಇನ್ನೂ ಶ್ರಮದಾಯಕ. ಆದರೆ, ಇತ್ತೀಚಿನ ದಿನಗಳಲ್ಲಿ ಆಹಾರದ ಸೇವನೆಯ ಅಭ್ಯಾಸಗಳು, ಆರೋಗ್ಯದ ಅರಿವಿನ ಕೊರತೆ, ವೈದ್ಯಕೀಯ ಸೌಲಭ್ಯಗಳ ನಿರ್ಬಂಧ – ಇವು ಸಮಸ್ಯೆಗಳಾಗಿ ಇಳಿಯುತ್ತಿವೆ. ತ್ವರಿತ ವೈದ್ಯಕೀಯ ಸಹಾಯ ದೊರೆಯದಿರುವುದು ಹೃದಯಾಘಾತದಲ್ಲಿ ಮೃತ್ಯುದರ ಹೆಚ್ಚಳಕ್ಕೆ ಕಾರಣವಾಗಿದೆ.

# ಗ್ರಾಮಾಂತರ ಪ್ರದೇಶಗಳಲ್ಲಿ ಹೃದಯಾಘಾತ ಪ್ರಮಾಣ: – 130/100,000 ಜನರಿಗೆ.

ಆದರೆ ಹೆಚ್ಚಿನ ಸಾವುಗಳು ಚಿಕಿತ್ಸೆ ತಡವಾದ್ದರಿಂದ ಸಂಭವಿಸುತ್ತಿವೆ – ಆಂಬ್ಯುಲೆನ್ಸ್ ತಡವಾಗಿ ಬರುವದು, ಸ್ಥಳೀಯ ವೈದ್ಯರ ಮೇಲೆ ಮಾತ್ರ ನಂಬಿಕೆ ಇಡುವುದು ಜೀವ ಉಳಿಸಲು ಸಾಕಾಗುತ್ತಿಲ್ಲ.

ಇದನ್ನು ಓದಿ: ಹಾಸನ ಹೃದಯಾಘಾತ ಪ್ರಕರಣಗಳಿಗೆ ಕೋವಿಡ್ ಲಸಿಕೆ ಕಾರಣವಲ್ಲ…!! ಹಾಗಾದರೆ ಐಸಿಎಂಆರ್ ಅಧ್ಯಯನ ಏನು ಹೇಳುತ್ತೆ?

📊 ಹೋಲಿಕೆ: ನಗರ – ಗ್ರಾಮಾಂತರ

🔴 ತಕ್ಷಣ ಏನು ಮಾಡಬೇಕು? – 3ಸಿ ಮಾರ್ಗದರ್ಶಿ:

1️⃣ ಪರಿಶೀಲಿಸಿ (Check): ವ್ಯಕ್ತಿ ಉಸಿರಾಡುತ್ತಿದ್ದಾರೆವಾ? ಸ್ಪಂದನೆ ಇದೆಯೆ?

2️⃣ ಕರೆ ಮಾಡಿ (Call): ತಕ್ಷಣ 108 ಗೆ ಕರೆ ಮಾಡಿ!

3️⃣ ಒತ್ತಡ ನೀಡಿ (Compress):

*  ಪರಿಹಾರ ಹೇಗೆ?

• ಎರಡೂ ಕೈಗಳು ಹೃದಯದ ಮಧ್ಯದಲ್ಲಿ
• ಪ್ರತಿ ನಿಮಿಷ 100–120 ಬಾರಿ ಒತ್ತಡ
• ಶಕ್ತಿಯುತವಾಗಿ 5–6 ಸೆಂ.ಮೀ. ಎಳಿಸಲು
• ಉಸಿರಾಟ ನೀಡಬೇಕಿಲ್ಲ – ಕೈಗಳ ಮೂಲಕ ಮಾತ್ರ CPR
• ಜೀವನ ಶೈಲಿಯ ಬದಲಾವಣೆ: ಸಮತೋಲನದ ಆಹಾರ, ನಿಯಮಿತ ವ್ಯಾಯಾಮ, ನಿದ್ರಾ ನಿಯಮಿತತೆ, ಒತ್ತಡ ನಿರ್ವಹಣೆ.
• ಹೃದಯ ಆರೋಗ್ಯದ ಶಿಕ್ಷಣ: ಶಾಲೆಗಳಿಂದಲೇ ಪ್ರಾರಂಭವಾಗಲಿ.
• CPR ತರಬೇತಿ: ಪ್ರತಿಯೊಬ್ಬ ಮನೆತನದಲ್ಲೂ ಕನಿಷ್ಠ ಒಬ್ಬ “ಹೃದಯ ರಕ್ಷಕ”.
• ಸಾರ್ವಜನಿಕ ತಪಾಸಣೆ ಸೌಲಭ್ಯಗಳು: ಉಚಿತ ECG, ಲಿಪಿಡ್ ಪ್ರೊಫೈಲ್, ಇಕೋ ಸೇವೆಗಳು.
• ದೂರದ ಗ್ರಾಮೀಣ ಪ್ರದೇಶಗಳಲ್ಲೂ ತ್ವರಿತ ಚಿಕಿತ್ಸೆ ಸೌಲಭ್ಯಗಳು: ಆಂಬ್ಯುಲೆನ್ಸ್ ಹಾಗೂ ತರಬೇತಿ ಪಡೆದ ಆರೋಗ್ಯ ಸಿಬ್ಬಂದಿ.

ಈ ಎಲ್ಲದಕ್ಕೂ ಕಾರಣವೇನೆಂದರೆ – ತೈಲ, ಉಪ್ಪು, ಸಕ್ಕರೆಯುಳ್ಳ ಆಹಾರ ಪದ್ಧತಿ, ನಿದ್ರೆ ಕೊರತೆ, ವ್ಯಾಯಾಮದ ಕೊರತೆ, ಧೂಮಪಾನ ಮತ್ತು ಮದ್ಯಪಾನ, ಮತ್ತು ದೀರ್ಘಕಾಲದ ಮಾನಸಿಕ ಒತ್ತಡ.

ಇದನ್ನು ತಡೆಗಟ್ಟಲು ಆರೋಗ್ಯ ಶಿಕ್ಷಣ, ಉಚಿತ ತಪಾಸಣೆ, ತ್ವರಿತ ಚಿಕಿತ್ಸೆ ಮತ್ತು ಪ್ರತಿಯೊಬ್ಬನಿಗೆ CPR ತರಬೇತಿ ನೀಡುವಂತಹ ಸಾರ್ವಜನಿಕ ಜಾಗೃತಿಯ ಕಾರ್ಯಗಳು ಅತ್ಯಗತ್ಯ.

❤️  ಹೃದಯ ನಮ್ಮದು, ಆದರೆ ಅದನ್ನು ಉಳಿಸೋ ಜವಾಬ್ದಾರಿ ನಮ್ಮೆಲ್ಲರದು. ಪ್ರತಿ ಕ್ಷಣವೂ ಅಮೂಲ್ಯ. ಎಚ್ಚರದ ಒಂದು ನಿರ್ಧಾರ – ಬದುಕು ಉಳಿಸಬಹುದು. ಈ ಮೌನ ಮಹಾಮಾರಿಯನ್ನು ನಿಯಂತ್ರಿಸಲು ಜಾಗೃತಿ, ಪ್ರಬೋಧನೆ, ಮತ್ತು ಸಮುದಾಯದ ಉತ್ಸಾಹ ಅಗತ್ಯ.

ಹೃದಯಾಘಾತವಾಗುತ್ತಿದೆಯಲ್ಲ, ಎಂದು ಆತಂಕಕ್ಕೆ ಒಳಗಾಗದೆ, ಹೃದಯಾಘಾತಕ್ಕೆ ಕಾರಣವಾಗುತ್ತಿರುವ ಅಂಶಗಳನ್ನು ತಿಳಿದು, ತಡೆಗಟ್ಟುವ ಅಂಶಗಳ ಕಡೆ ಹೆಚ್ಚು ಗಮನ ಹರಿಸಿ….

ಹೆಚ್ಚಿನ ಮಾಹಿತಿಗಾಗಿ ಇ ಲಿಂಕ್‌ ಕ್ಲಿಕ್‌ ಮಾಡಿ https://world-heart-federation.org/wp-content/uploads/World-Heart-Report-2023.pdf

ಬದುಕೋಣ…. ಹೃದಯ ಉಳಿಸೋಣ.

      – ವಿಚಾರ 🌏 ವಿಸ್ತಾರ ಸಂಪಾದಕರು