ಚಂಡೀಗಢ- ಫೈಟರ್ ಏರ್ಕ್ರಾಫ್ಟ್ಗಳಿಗೆ ಅಗತ್ಯವಾದ ಎಸ್ಕೇಪ್ ಸಿಸ್ಟಮ್ ಅಭಿವೃದ್ಧಿಯಲ್ಲೊಂದು ಮಹತ್ವದ ಯಶಸ್ಸು ಸಾಧಿಸಿ, ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (DRDO) ಸೋಮವಾರ 800 ಕಿಮೀ/ಗಂಟೆಯ ನಿಖರ ಮತ್ತು ನಿಯಂತ್ರಿತ ವೇಗದಲ್ಲಿ ಹೈ-ಸ್ಪೀಡ್ ರಾಕೆಟ್-ಸ್ಲೆಡ್ ಪರೀಕ್ಷೆಯನ್ನು ಯಶಸ್ವಿಯಾಗಿ ನೆರವೇರಿಸಿದೆ.
ಈ ಪರೀಕ್ಷೆಯನ್ನು ಚಂಡೀಗಢದಲ್ಲಿರುವ ಟರ್ಮಿನಲ್ ಬ್ಯಾಲಿಸ್ಟಿಕ್ಸ್ ರಿಸರ್ಚ್ ಲ್ಯಾಬೊರೇಟರಿ (TBRL) ಯ ರೈಲ್ ಟ್ರ್ಯಾಕ್ ರಾಕೆಟ್ ಸ್ಲೆಡ್ (RTRS) ಸೌಲಭ್ಯದಲ್ಲಿ ಕೈಗೊಳ್ಳಲಾಗಿದ್ದು, ಕ್ಯಾನೊಪಿ ಸೆವೆರೆನ್ಸ್, ಎಜೆಕ್ಷನ್ ಸೀಕ್ವೆನ್ಸಿಂಗ್ ಹಾಗೂ ಸಂಪೂರ್ಣ ಏರ್ಕ್ರ್ಯೂ-ರಿಕವರಿ ಪ್ರಕ್ರಿಯೆಗಳ ಸಾಮರ್ಥ್ಯವನ್ನು ಮೌಲ್ಯೀಕರಿಸುವ ಪ್ರಮುಖ ಹಂತವಾಗಿದೆ.
Watch this: ಕೇಂದ್ರ ಬ್ಯಾಂಕ್ನ ನೂತನ ಕಾರ್ಯನಿರ್ವಾಹಕ ನಿರ್ದೇಶಕಿ ಉಷಾ ಜಾನಕಿರಾಮನ್ ಆಯ್ಕೆ
ಫೈಟರ್ ವಿಮಾನ ಪೈಲಟ್ಗಳ ಜೀವ ರಕ್ಷಣೆಗೆ ಅತ್ಯಂತ ಅವಶ್ಯಕವಾದ ಈ ವ್ಯವಸ್ಥೆಯ ಯಶಸ್ವಿ ಪರೀಕ್ಷೆಗೆ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು DRDO, ಭಾರತೀಯ ವಾಯುಪಡೆ (IAF), ADA, HAL ಹಾಗೂ ಸಂಬಂಧಿತ ಕೈಗಾರಿಕಾ ತಂಡಗಳನ್ನು ಅಭಿನಂದಿಸಿದ್ದಾರೆ.
“ಈ ಸಾಧನೆ ಭಾರತದ ರಕ್ಷಣಾ ತಂತ್ರಜ್ಞಾನ ಸ್ವಾವಲಂಬನೆಯತ್ತ ಸಾಗುವ ಮಹತ್ವದ ಮೈಲಿಗಲ್ಲು,” ಎಂದು ರಾಜನಾಥ್ ಸಿಂಗ್ ಪ್ರಶಂಸಿಸಿದ್ದಾರೆ.
DRDO ನಡೆಸಿದ ಈ ಯಶಸ್ವಿ ಪ್ರಯೋಗ ಮುಂದಿನ ತಲೆಮಾರಿನ ಫೈಟರ್ ವಿಮಾನಗಳ ಸುರಕ್ಷತಾ ವ್ಯವಸ್ಥೆಯನ್ನು ಇನ್ನಷ್ಟು ಬಲಪಡಿಸುವ ನಿರೀಕ್ಷೆ ವ್ಯಕ್ತವಾಗಿದೆ.
