ಹಾಸನ: ಹಾಸನಾಂಬೆ ದರ್ಶನೋತ್ಸವ – ಭಕ್ತರಿಗೆ ಉಸ್ತುವಾರಿ ಸಚಿವ ಕೃಷ್ಣಭೈರೇಗೌಡ ವಿಡಿಯೋ ಮೂಲಕ ಮನವಿ

ಹಾಸನ: ಹಾಸನಾಂಬೆ ದರ್ಶನೋತ್ಸವದ ಬಗ್ಗೆ ಉಸ್ತುವಾರಿ ಸಚಿವ ಕೃಷ್ಣಭೈರೇಗೌಡ ಶನಿವಾರ ವಿಡಿಯೋ ಹೇಳಿಕೆ ಬಿಡುಗಡೆ ಮಾಡಿದ್ದಾರೆ.

ಅವರ ಹೇಳಿಕೆಯಲ್ಲಿ, ಶನಿವಾರ ಮುಂಜಾನೆ 5 ಗಂಟೆಯಿಂದ ಭಾನುವಾರ ಮುಂಜಾನೆ 5 ಗಂಟೆವರೆಗೆ ಸುಮಾರು 2.7 ಲಕ್ಷ ಭಕ್ತರು ದರ್ಶನ ಪಡೆದಿದ್ದಾರೆ ಎಂದು ಮಾಹಿತಿ ನೀಡಲಾಗಿದೆ.

ಮತ್ತು, ಶುಕ್ರವಾರ, ಶನಿವಾರ ಹಾಗೂ ಭಾನುವಾರ ಮುಂಜಾನೆವರೆಗೆ ಒಟ್ಟು 2.75 ಲಕ್ಷ ಜನರು ದರ್ಶನಕ್ಕೆ ಬಂದಿದ್ದಾರೆ. ಸಚಿವರು ಭಕ್ತರಿಗೆ ಯಾವುದೇ ಗೊಂದಲವಿಲ್ಲದೆ ಎಲ್ಲರಿಗೂ ದರ್ಶನವಾಗುತ್ತಿದ್ದು, ಎಲ್ಲ ವ್ಯವಸ್ಥೆಗಳು ಸುಗಮ, ಸ್ವಚ್ಛವಾಗಿವೆ ಎಂದು ಹೇಳಿದ್ದಾರೆ.

ಅವರ ಮನವಿ: “ಮುಂದಿನ ಶುಕ್ರವಾರದ ಬಳಿಕ ಸಂಪೂರ್ಣ ರಷ್ ಆಗಲಿದೆ. ಆದ್ದರಿಂದ ಸೋಮವಾರದಿಂದ ಗುರುವಾರದೊಳಗೆ ಎಲ್ಲ ಭಕ್ತರು ದರ್ಶನ ಮಾಡಿ. ಪ್ರತಿಯೊಬ್ಬರಿಗೂ ದರ್ಶನ ಒಂದು ಗಂಟೆಯ ಆಜುಬಾಜಿನಲ್ಲಿ ಸಿಗುತ್ತದೆ” ಎಂದು ವಿಶೇಷವಾಗಿ ತಿಳಿಸಿದ್ದಾರೆ.