ಹೃದಯ ಸೇಫ್: ಹಾಸನದಲ್ಲಿ ಆತಂಕ ಬೇಡ – ಹೃದಯಾಘಾತದ ಸಂಖ್ಯೆ ಹೆಚ್ಚಳವಲ್ಲ!

ಬೆಂಗಳೂರು, ಜುಲೈ 11 – “ಹಾಸನದಲ್ಲಿ ಹೃದಯಾಘಾತದಿಂದ ಸಾವುಗಳು ಹೆಚ್ಚಾಗಿವೆ” ಎಂಬ ಮಾಧ್ಯಮ ವರದಿಗೆ ತಜ್ಞರ ಸಮಿತಿ ಸ್ಪಷ್ಟನೆ ನೀಡಿದ್ದು, ಹೃದಯಾಘಾತದ ಸಂಖ್ಯೆ ಏರಿಕೆಯಾಗಿಲ್ಲವೆಂಬ ಸಾಂಖ್ಯಿಕ ಅಂಕಿಅಂಶಗಳನ್ನು ಮಂಡಿಸಿದೆ. ಸರ್ಕಾರದ ಸೂಚನೆಯ ಮೇರೆಗೆ ಹಾಸನ ಜಿಲ್ಲೆಯಲ್ಲಿ 2024ರ ಮೇ ಹಾಗೂ ಜೂನ್ ತಿಂಗಳಲ್ಲಿ ಸಂಭವಿಸಿದ ಸಾವಿನ ಪ್ರಕರಣಗಳ ಕುರಿತು ಜಯದೇವ ಹೃದ್ರೋಗ ಸಂಸ್ಥೆಯ ನಿರ್ದೇಶಕ ಡಾ. ಕೆ.ಎಸ್. ರವೀಂದ್ರನಾಥ್ ನೇತೃತ್ವದ ಸಮಿತಿ ಅಧ್ಯಯನ ನಡೆಸಿತ್ತು.

ಅಥೆ ಅಂತ ಅಲ್ವೆ..!

2023ರ ಮೇ-ಜೂನ್ ಅವಧಿಯಲ್ಲಿ 19 ಹೃದಯಾಘಾತದ ಸಾವಿನ ಪ್ರಕರಣಗಳು ದಾಖಲಾಗಿದ್ದರೆ, ಈ ವರ್ಷ ಆ ಅವಧಿಯಲ್ಲಿ 20 ಪ್ರಕರಣಗಳು ಮಾತ್ರ ವರದಿಯಾಗಿವೆ. ಇವುಗಳಲ್ಲಿ ಕೇವಲ 10 ಮಂದಿಗೆ ಮಾತ್ರ ನಿಖರವಾಗಿ ಹೃದಯಾಘಾತ ಕಾರಣವಾಗಿದ್ದು, ಮೂವರಿಗೆ ಪೂರ್ವಾಗ್ರಹಿತ ಹೃದಯ ಸಂಬಂಧಿ ಕಾಯಿಲೆಗಳ ಇತಿಹಾಸವಿದೆ ಎಂದು ಸಮಿತಿ ತಿಳಿಸಿದೆ.

ಚಾಲಕರಿಗೆ ಹೆಚ್ಚು ಅಪಾಯ

ವಿಶೇಷವಾಗಿ, ಹೃದಯಾಘಾತದಿಂದ ಮೃತಪಟ್ಟವರಲ್ಲಿ 6 ಮಂದಿ ಆಟೋ ಹಾಗೂ ಕ್ಯಾಬ್ ಚಾಲಕರಾಗಿದ್ದು, ಶೇ.30 ಸಾವುಗಳು ಸಾರ್ವಜನಿಕ ಸಾರಿಗೆ ಚಾಲಕರ ನಡುವೆ ಕಂಡುಬಂದಿವೆ. ಈ ಸಂದರ್ಭದಲ್ಲಿಯೇ ತಜ್ಞರು ಅಲ್ಪವಯಸ್ಸಿನವರು, ಧೂಮಪಾನ, ಮದ್ಯಪಾನ, ಜಾಸ್ತಿ ತೂಕ, ಅಧಿಕ ಬಿಪಿ ಮತ್ತು ಹೃದಯ ಕಾಯಿಲೆಯ ಕುಟುಂಬ ಇತಿಹಾಸ ಹೊಂದಿರುವವರು ಹೆಚ್ಚಿನ ಅಪಾಯದಲ್ಲಿದ್ದಾರೆ ಎಂದು ಎಚ್ಚರಿಸಿದ್ದಾರೆ.

ಇದನ್ನು ಓದಿ: ಹೃದಯಾಘಾತದಿಂದ ಯುವಜನರಲ್ಲಿ ಸಂಭವಿಸಿದ ಸಾವುಗಳಿಗೆ ಕೋವಿಡ್ ಲಸಿಕೆ ಅಥವಾ ಸೋಂಕಿಗೆ ಸಂಬಂಧವಿಲ್ಲ – ತಜ್ಞರ ಸಮಿತಿ ಸ್ಪಷ್ಟನೆ

ಆರೋಗ್ಯ ತಪಾಸಣೆ ಶಿಬಿರ ನಿರ್ಧಾರ

ಆರೋಗ್ಯ ಸಚಿವ ದಿನೇಶ್ ಗುಂಡೂರಾವ್ ಈ ಕುರಿತು ಪ್ರತಿಕ್ರಿಯಿಸಿ, “ಸಾರ್ವಜನಿಕ ಸಾರಿಗೆ ಚಾಲಕರಿಗಾಗಿ ಅವರ ಸಂಘಗಳ ಸಹಯೋಗದಿಂದ ಹೃದಯ ತಪಾಸಣೆ ಶಿಬಿರಗಳನ್ನು ಹಮ್ಮಿಕೊಳ್ಳಲಾಗುವುದು,” ಎಂದು ತಿಳಿಸಿದ್ದಾರೆ. ತಜ್ಞರ ಶಿಫಾರಸಿನನ್ವಯ ಹೃದಯ ಕಾಯಿಲೆ ಅಪಾಯದ ಗುರುತಿಸುವಿಕೆಗೆ ಕ್ರಮ ಕೈಗೊಳ್ಳಲಾಗುತ್ತಿದೆ.

ಆತಂಕ ಬೇಡ: ತಜ್ಞರ ಅಭಯ

ಜಯದೇವ ಹೃದ್ರೋಗ ಸಂಸ್ಥೆಯ ಡಾ. ಕೆ.ಎಸ್. ರವೀಂದ್ರನಾಥ್ ಮಾತನಾಡಿ, “ಹಾಸನದಲ್ಲಿ ಹೃದಯಾಘಾತದಿಂದ ಸಾವುಗಳು ಏರಿಕೆಯಾಗಿಲ್ಲ. ಆದರೆ ಮಾಧ್ಯಮ ವರದಿಗಳಿಂದಾಗಿ ಜನರು ಆತಂಕಗೊಂಡು ತಪಾಸಣೆಗೆ ಓಡುತ್ತಿದ್ದಾರೆ. ಆತಂಕಕ್ಕಿಂತ ಜಾಗೃತಿ ಅಗತ್ಯ,” ಎಂದಿದ್ದಾರೆ.

ಪ್ರಮುಖ ಮಾಹಿತಿ: