ವಿಜ್ಞಾನ ಪ್ರೀತಿ ಬೆಳೆಸುವ ನಿಟ್ಟಿನಲ್ಲಿ ಕರ್ನಾಟಕ ವೈಜ್ಞಾನಿಕ ಸಂಶೋಧನಾ ಪರಿಷತ್ ನೂತನ ಕಾರ್ಯಕ್ರಮ
“ನಾನೂ ವಿಜ್ಞಾನಿ” 2025 ಎಂಬ ವಿಶೇಷ ವಿಜ್ಞಾನ ಶಿಬಿರದಲ್ಲಿ ಕರ್ನಾಟಕದ 250 ವಿದ್ಯಾರ್ಥಿಗಳು ತಮ್ಮ ಕೈಯಿಂದ 250 ಟೆಲಿಸ್ಕೋಪ್‌ಗಳನ್ನು ತಯಾರಿಸಲಿದ್ದಾರೆ. ಈ ಅಭಿಯಾನವು “ಶಾಲೆ/ಕಾಲೇಜಿಗೊಂದು ಟೆಲಿಸ್ಕೋಪ್” ಎಂಬ ಉದ್ದೇಶ ಹೊಂದಿದ್ದು, ವಿಜ್ಞಾನಾಭಿವೃದ್ಧಿಗೆ ಬದ್ಧವಾಗಿದೆ. ಪ್ರತಿ ವಿದ್ಯಾರ್ಥಿಗೆ ₹15,000 ವೆಚ್ಚ ನಿರೀಕ್ಷಿಸಲಾಗಿದ್ದು, ಈ ಶಿಬಿರದಲ್ಲಿ ಉಚಿತ ಊಟ, ವಸತಿ ಮತ್ತು ಹಾಜರಾತಿ ಪ್ರಮಾಣ ಪತ್ರವೂ ಸಿಗಲಿದೆ. ತಯಾರಿಸಿದ ಟೆಲಿಸ್ಕೋಪ್ ವಿದ್ಯಾರ್ಥಿಗೆ ನೀಡಲಾಗುವುದು. ಲಿಮ್ಕಾ ಮತ್ತು ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಸ್ ಸೇರಿ ಹೆಸರು ದಾಖಲಿಸಬಹುದಾದ ಈ ಪ್ರಯತ್ನ, ವಿಜ್ಞಾನ ಅಭಿಮಾನಿಗಳಿಗೆ ಹೆಮ್ಮೆ ತರುವ ಕಾರ್ಯವಾಗಲಿದೆ.