ಫೆಬ್ರವರಿ 22 ರಿಂದ ಶುರುವಾಗಲಿರುವ ಮಾಜಿ ಕ್ರಿಕೆಟರುಗಳ ಇಂಟರ್ನ್ಯಾಷನಲ್ ಮಾಸ್ಟರ್ಸ್ ಲೀಗ್ಗೆ ಭಾರತ ತಂಡವನ್ನು ಘೋಷಿಸಲಾಗಿದೆ. ಇಂಡಿಯಾ ಮಾಸ್ಟರ್ಸ್ ಹೆಸರಿನಲ್ಲಿ ಕಣಕ್ಕಿಳಿಯಲಿರುವ 15 ಸದಸ್ಯರ ಈ ತಂಡವನ್ನು ಸಚಿನ್ ತೆಂಡೂಲ್ಕರ್ ಮುನ್ನಡೆಸಲಿದ್ದಾರೆ. ಇನ್ನು ಈ ತಂಡದಲ್ಲಿರುವುದು ಟೀಮ್ ಇಂಡಿಯಾವನ್ನು ಪ್ರತಿನಿಧಿಸಿದ ಆಟಗಾರರು ಮಾತ್ರ ಎಂಬುದು ವಿಶೇಷ.
ಅಂದರಂತೆ ತಂಡದಲ್ಲಿ ಸಚಿನ್ ತೆಂಡೂಲ್ಕರ್ ಅಲ್ಲದೆ ಸ್ಟಾರ್ ಆಟಗಾರರಾಗಿ ಯುವರಾಜ್ ಸಿಂಗ್, ಇರ್ಫಾನ್ ಪಠಾಣ್, ಸುರೇಶ್ ರೈನಾ, ಯೂಸುಫ್ ಪಠಾಣ್, ಅಂಬಾಟಿ ರಾಯುಡು ಸೇರಿದಂತೆ ಅನೇಕ ಆಟಗಾರರಿದ್ದಾರೆ.
ಹಾಗೆಯೇ ಕನ್ನಡಿಗರಾದ ವಿನಯ್ ಕುಮಾರ್ ಹಾಗೂ ಆಭಿಮನ್ಯು ಮಿಥುನ್ ಸಹ ಇಂಡಿಯಾ ಮಾಸ್ಟರ್ಸ್ ತಂಡದಲ್ಲಿ ಕಾಣಿಸಿಕೊಂಡಿದ್ದಾರೆ. ಇವರೊಂದಿಗೆ ಧವಳ್ ಕುಲಕರ್ಣಿ, ರಾಹುಲ್ ಶರ್ಮಾ, ಶಹಬಾಝ್ ನದೀಮ್ ಕೂಡ ಇದ್ದಾರೆ. ಅದರಂತೆ ಇಂಡಿಯಾ ಮಾಸ್ಟರ್ಸ್ ತಂಡ ಈ ಕೆಳಗಿನಂತಿದೆ…
- ಸಚಿನ್ ತೆಂಡೂಲ್ಕರ್ (ನಾಯಕ)
- ಯುವರಾಜ್ ಸಿಂಗ್
- ಸುರೇಶ್ ರೈನಾ
- ಅಂಬಾಟಿ ರಾಯುಡು
- ಯೂಸುಫ್ ಪಠಾಣ್
- ಇರ್ಫಾನ್ ಪಠಾಣ್
- ಸ್ಟುವರ್ಟ್ ಬಿನ್ನಿ
- ಧವಳ್ ಕುಲಕರ್ಣಿ
- ವಿನಯ್ ಕುಮಾರ್
- ಶಹಬಾಝ್ ನದೀಮ್
- ರಾಹುಲ್ ಶರ್ಮಾ
- ಗುರುಕೀರತ್ ಸಿಂಗ್ ಮಾನ್
- ಅಭಿಮನ್ಯು ಮಿಥುನ್
- ಪವನ್ ನೇಗಿ
- ನಮನ್ ಓಜಾ
ಮಾಸ್ಟರ್ಸ್ ಲೀಗ್ನಲ್ಲಿ ಕಣಕ್ಕಿಳಿಯಲಿರುವ ತಂಡಗಳು:
- ಇಂಡಿಯಾ ಮಾಸ್ಟರ್ಸ್
- ಶ್ರೀಲಂಕಾ ಮಾಸ್ಟರ್ಸ್
- ವೆಸ್ಟ್ ಇಂಡೀಸ್ ಮಾಸ್ಟರ್ಸ್
- ಆಸ್ಟ್ರೇಲಿಯಾ ಮಾಸ್ಟರ್ಸ್
- ಸೌತ್ ಆಫ್ರಿಕಾ ಮಾಸ್ಟರ್ಸ್
- ಇಂಗ್ಲೆಂಡ್ ಮಾಸ್ಟರ್ಸ್
