ಪಾಕಿಸ್ತಾನ ಮತ್ತು ಭಾರತದ (Pakistan-India) ನಡುವಿನ ಅಸಮಾಧಾನದ ಬಗ್ಗೆ ಎಲ್ಲರಿಗೂ ಗೊತ್ತಿರುವ ವಿಷಯ. ಈ ಪರಿಣಾಮ ಭಾರತ-ಪಾಕ್ ಗಡಿಯಲ್ಲಿ ಗುಂಡಿನ ಚಕಮಕಿ ನಡೆಯುತ್ತಲೇ ಇರುತ್ತದೆ. ಅಲ್ಲದೇ ಪಾಕ್ ಗಡಿಯಲ್ಲಿ ಭಾರತಕ್ಕೆ ತೊಂದರೆಯಾಗುವಂತೆ ತನ್ನ ಬುದ್ಧಿ ತೋರಿಸುತ್ತಲೇ ಇರುತ್ತದೆ.
ಇದೀಗ ರಾಜಸ್ಥಾನದ ಬಾರ್ಮರ್ ಜಿಲ್ಲೆಯಲ್ಲಿ ಸಹ ಇಂತಹದ್ದೇ ಒಂದು ಘಟನೆ ನಡೆದಿದೆ. ಅಂತರರಾಷ್ಟ್ರೀಯ ಗಡಿಯ ಬಳಿ ಪಾಕಿಸ್ತಾನವು ಮಾಡಬಾರದ ಕೆಲಸವನ್ನು ಮಾಡಿದೆ. ಈ ಬಗ್ಗೆ ಎರಡೂ ದೇಶಗಳ ಸೇನಾ ಅಧಿಕಾರಿಗಳ ನಡುವೆ ಸಭೆ ನಡೆಯಿತು. ಭಾರತೀಯ ಸೇನಾ ಅಧಿಕಾರಿಗಳು ಪಾಕಿಸ್ತಾನದ ಅಧಿಕಾರಿಗಳಿಗೆ, “ನೀವು ಮಾಡಿದ ಈ ಕೆಲಸ ನಿಯಮಗಳಿಗೆ ವಿರುದ್ಧವಾಗಿದೆ” ಎಂದು ಎಚ್ಚರಿಕೆಯನ್ನೂ ಕೊಟ್ಟಿದ್ದಾರೆ. ಆದರೆ ಭಾರತದ ಮಾತಿಗೆ ಬಗ್ಗದ ಪಾಕಿಸ್ತಾನ ತಕ್ಕ ರೀತಿಯಲ್ಲಿ ಉತ್ತರ ಕೊಟ್ಟಿದೆ. ಆ ಬಳಿಕ ಪಾಕಿಸ್ತಾನ ಕೂಡಾ ಪರಿಸ್ಥಿತಿಯನ್ನು ಅರ್ಥಮಾಡಿಕೊಂಡು ಹಿಂದೆ ಸರಿದಿದೆ.
ಈ ಘಟನೆ ರಾಜಸ್ಥಾನದ ಬಾರ್ಮರ್ನಲ್ಲಿ, ಅಂತರರಾಷ್ಟ್ರೀಯ ಗಡಿಯ ಬಳಿ ಬೆಳಕಿಗೆ ಬಂದಿದೆ. ಸುಮಾರು ಒಂದೂವರೆ ತಿಂಗಳ ಹಿಂದೆ, ಪಾಕಿಸ್ತಾನವು ಈ ಗಡಿಯ ಸಮೀಪದಲ್ಲಿ ಮೂರು ಬಂಕರ್ಗಳನ್ನು ಕಟ್ಟಿದೆ. ಆದರೆ ಈ ಮೂರೂ ಬಂಕರ್ಗಳನ್ನು ಪಾಕ್ ಅನಧಿಕೃತವಾಗಿಯೇ ನಿರ್ಮಿಸಿದೆ.
ಇದರ ಬಗ್ಗೆ ಒಂದು ತಿಂಗಳ ಹಿಂದೆ, ಪಾಕಿಸ್ತಾನ ರೇಂಜರ್ಸ್ ಮತ್ತು ಭಾರತೀಯ ಅಧಿಕಾರಿಗಳ ನಡುವೆ ಕಮಾಂಡೆಂಟ್ ಮಟ್ಟದ ಸಭೆಯೂ ನಡೆದಿತ್ತು. ಇನ್ನು ಈ ಸಭೆಯಲ್ಲಿ ಭಾರತೀಯ ಅಧಿಕಾರಿಗಳು ಬಂಕರ್ಗಳ ವಿಷಯ ಮಾತನಾಡಿ, ಇದು ನಿಯಮ ಉಲ್ಲಂಘನೆಯ ಕೆಲಸ ಎಂದು ಹೇಳಿದ್ದಾರೆ.
ಅನಧಿಕೃತ ಬಂಕರ್ ನಿರ್ಮಿಸಿದ ಪಾಕ್!
ವರದಿಯ ಪ್ರಕಾರ, ಭಾರತೀಯ ಕಮಾಂಡರ್ಗಳು ಸಭೆಯಲ್ಲಿ, “ಈ ಬಂಕರ್ಗಳು ಅನಧಿಕೃತ, ಇದನ್ನು ತೆಗೆದುಹಾಕಿ” ಎಂದು ಹೇಳಿದರು. ಆದರೆ ಪಾಕಿಸ್ತಾನವು ಈ ಮಾತನ್ನು ಕೇಳಲೇ ಇಲ್ಲ. ಈ ವೇಳೆ ಭಾರತ ಕೂಡಾ ಪಶ್ಚಿಮ ಗಡಿಯಲ್ಲಿ ಮೂರು ಬಂಕರ್ಗಳನ್ನು ಕಟ್ಟಿತು. ಆದರೆ ಇದು ಪಾಕಿಸ್ತಾನಕ್ಕೆ ಗೊತ್ತಾಗುತ್ತಿದ್ದಂತೆ ಶಾಕ್ ಆಗಿದೆ.
