ಮುಂಬೈ, 8 ಜನವರಿ 2026: ಭಾರತದ ನಂ.1 ಟೈಲ್ ಕಂಪನಿಯಾದ ಖಜಾರಿಯಾ ಸೆರಾಮಿಕ್ಸ್ ಲಿಮಿಟೆಡ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮಹಿಳಾ ಕ್ರಿಕೆಟ್ ತಂಡದ ಜೊತೆಗಿನ ತನ್ನ ಸಹಭಾಗಿತ್ವವನ್ನು ವಿಸ್ತರಿಸುತ್ತಿರುವುದಾಗಿ ಇಂದು ಘೋಷಿಸಿದೆ. ಇದರೊಂದಿಗೆ 2026ರಲ್ಲಿಯೂ ಆರ್ಸಿಬಿ ಮಹಿಳಾ ತಂಡದ ಪ್ರಧಾನ ಪ್ರಾಯೋಜಕರಾಗಿ ಖಜಾರಿಯಾ ಟೈಲ್ಸ್ ಮುಂದುವರಿಯಲಿದೆ. 2023ರಲ್ಲಿ ಮಹಿಳಾ ಟಿ20 ಲೀಗ್ನ ಉದ್ಘಾಟನಾ ಆವೃತ್ತಿಯೊಂದಿಗೆ ಪ್ರಾರಂಭವಾದ ಈ ಯಶಸ್ವಿ ಸಹಯೋಗವು ಈಗ ಮತ್ತಷ್ಟು ಬಲಗೊಂಡಿದೆ.
ಈ ಒಪ್ಪಂದ ನವೀಕರಣವು ಭಾರತದಲ್ಲಿ ಮಹಿಳಾ ಕ್ರಿಕೆಟ್ನ ಬೆಳವಣಿಗೆಯ ಬಗ್ಗೆ ಖಜಾರಿಯಾ ಟೈಲ್ಸ್ ಹೊಂದಿರುವ ಬದ್ಧತೆಯನ್ನು ತೋರಿಸುತ್ತದೆ. ಕಳೆದ ಕೆಲವು ಸೀಸನ್ಗಳಲ್ಲಿ, ಅಭಿಮಾನಿಗಳ ಬೆಂಬಲ ಮತ್ತು ಬ್ರ್ಯಾಂಡ್ ಹಾಗೂ ತಂಡದ ನಡುವಿನ ಸಮಾನ ಮೌಲ್ಯಗಳಿಂದಾಗಿ ಈ ಪಾಲುದಾರಿಕೆಯು ಗಮನಾರ್ಹವಾಗಿ ಬೆಳೆದಿದೆ.
ಬ್ರ್ಯಾಂಡ್ ಪ್ರಚಾರದ ಜೊತೆಗೆ, ತಳಮಟ್ಟದ ಪ್ರತಿಭೆಗಳನ್ನು ಪ್ರೋತ್ಸಾಹಿಸುವ ಮೂಲಕ ಮತ್ತು ಮಹಿಳಾ ಕ್ರಿಕೆಟ್ ನಲ್ಲಿ ಹೆಚ್ಚಿನ ಒಳಗೊಳ್ಳುವಿಕೆಯನ್ನು ಬೆಂಬಲಿಸುವ ಮೂಲಕ ಮಹಿಳಾ ಕ್ರಿಕೆಟ್ ವ್ಯವಸ್ಥೆಗೆ ಅರ್ಥಪೂರ್ಣ ಕೊಡುಗೆ ನೀಡುವ ಗುರಿಯನ್ನು ಖಜಾರಿಯಾ ಟೈಲ್ಸ್ ಹೊಂದಿದೆ.
ಈ ಸಹಭಾಗಿತ್ವದ ಬಗ್ಗೆ ಮಾತನಾಡಿದ ಖಜಾರಿಯಾ ಸೆರಾಮಿಕ್ಸ್ ಲಿಮಿಟೆಡ್ನ ವ್ಯವಸ್ಥಾಪಕ ನಿರ್ದೇಶಕ ಶ್ರೀ ರಿಷಿ ಖಜಾರಿಯಾ ಅವರು, “ಮಹಿಳಾ ಟಿ20 ಲೀಗ್ ಪ್ರಾರಂಭವಾದಾಗಿನಿಂದ, ಆರ್ಸಿಬಿ ಮಹಿಳಾ ತಂಡದೊಂದಿಗಿನ ನಮ್ಮ ಒಡನಾಟವು ಪ್ರಾಯೋಜಕತ್ವಕ್ಕಿಂತ ಮೀರಿದ್ದಾದಾಗಿದೆ. ಮಹಿಳಾ ಸಬಲೀಕರಣವು ಖಜಾರಿಯಾದ ಪ್ರಮುಖ ಮೌಲ್ಯಗಳಲ್ಲಿ ಒಂದಾಗಿದೆ. ನಮ್ಮ ಮಹಿಳಾ ಕ್ರಿಕೆಟಿಗರು ನಿಜವಾದ ಮಾದರಿ ವ್ಯಕ್ತಿತ್ವಗಳಾಗಿದ್ದು, ದೊಡ್ಡ ಕನಸು ಕಾಣುವ ಪ್ರತಿಯೊಬ್ಬ ಹೆಣ್ಣುಮಗಳಿಗೂ ಸ್ಫೂರ್ತಿಯಾಗಿದ್ದಾರೆ. ಆರ್ಸಿಬಿ ಮಹಿಳಾ ತಂಡಕ್ಕೆ ನಮ್ಮ ಬೆಂಬಲವನ್ನು ಮುಂದುವರಿಸಲು ಮತ್ತು ಅವರ ಮುಂದಿನ ಪಯಣದ ಭಾಗವಾಗಲು ನಮಗೆ ಹೆಮ್ಮೆ ಎನಿಸುತ್ತದೆ” ಎಂದು ಹೇಳಿದರು.
ಜೆರ್ಸಿಯ ಮುಂಭಾಗದಲ್ಲಿ ಸಂಸ್ಥೆಯ ಬ್ರಾಂಡಿಂಗ್ ಇದ್ದು, ಇದು ಉತ್ಕೃಷ್ಟತೆ, ಸ್ಥಿರತೆ ಮತ್ತು ನಾಯಕತ್ವದ ಮೇಲೆ ಖಜಾರಿಯಾ ಹೊಂದಿರುವ ನಂಬಿಕೆಯನ್ನು ಪ್ರತಿಬಿಂಬಿಸುತ್ತದೆ. ಮುಂಬರುವ ದಿನಗಳಲ್ಲಿ ಆರ್ಸಿಬಿ ಮಹಿಳಾ ತಂಡದ ಸಹಯೋಗದೊಂದಿಗೆ ಡಿಜಿಟಲ್ ಅಭಿಯಾನಗಳ ಮೂಲಕ ಅಭಿಮಾನಿಗಳನ್ನು ತಲುಪಲು ಖಜಾರಿಯಾ ಯೋಜನೆ ಹಾಕಿಕೊಂಡಿದೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರಿನ ಸಿಓಓ ಶ್ರೀ ರಾಜೇಶ್ ಮೆನನ್ ಮಾತನಾಡಿ, “ಮಹಿಳಾ ಟಿ20 ಲೀಗ್ನ ಆರಂಭದಿಂದಲೂ ಖಜಾರಿಯಾ ಟೈಲ್ಸ್ ಆರ್ಸಿಬಿ ಮಹಿಳಾ ತಂಡದ ಮೌಲ್ಯಯುತ ಪಾಲುದಾರನಾಗಿದೆ. ಅವರ ನಿರಂತರ ಬೆಂಬಲವು ಮಹಿಳಾ ಕ್ರಿಕೆಟ್ ಅನ್ನು ಬಲಪಡಿಸಲು ಗಮನಾರ್ಹ ಕೊಡುಗೆ ನೀಡಿದೆ. ಈ ಒಡನಾಟವನ್ನು ವಿಸ್ತರಿಸಲು ನಾವು ಸಂತೋಷಪಡುತ್ತೇವೆ,” ಎಂದರು.
ಮಾಧ್ಯಮ ಮಾಹಿತಿ ಸಂಪರ್ಕ: sunilpanchal@kajariaceramics.com
