ಬೆಂಗಳೂರು, ಜುಲೈ 6: ನವ ಸಮಾಜ ನಿರ್ಮಾಣಕ್ಕೆ ಇಂದಿನ ಯುವಜನತೆ ಕುವೆಂಪು ಅವರ ತತ್ತ್ವಚಿಂತನೆಯನ್ನು ಆದರ್ಶವನ್ನಾಗಿ ಮಾಡಿಕೊಳ್ಳಬೇಕು ಎಂದು ಕರ್ನಾಟಕ ಗಾಂಧಿ ಸ್ಮಾರಕ ನಿಧಿಯ ಅಧ್ಯಕ್ಷ ನಾಡೋಜ ಡಾ. ವೂಡೇ ಪಿ ಕೃಷ್ಣ ತಿಳಿಸಿದರು.
ಶೇಷಾದ್ರಿಪುರಂ ಕಾಲೇಜು ಸಭಾಂಗಣದಲ್ಲಿ ಬುದ್ದ ಬಸವ ಗಾಂಧಿ ಸಾಂಸ್ಕೃತಿಕ ಟ್ರಸ್ಟ್ ಮತ್ತು ಜೇನುಗೂಡು ಕಲಾ ಬಳಗ ಆಯೋಜಿಸಿದ್ದ ರಾಂ.ಕೆ. ಹನುಮಂತಯ್ಯ ದತ್ತಿ ಪುಸ್ತಕ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಅವರು ಮಾತನಾಡಿದರು.
“ಕುವೆಂಪು ದಾರ್ಶನಿಕ ಕವಿ ಮಾತ್ರವಲ್ಲ, ಅವರು ಕನ್ನಡತನು, ಮಾನವತೆಯ ತತ್ವವನ್ನು ಪ್ರತಿಪಾದಿಸಿದವರು. ಅವರ ಸಾಹಿತ್ಯದ ಮೂಲಕ ನಾವು ಜಾತಿ, ಧರ್ಮ, ಮತಗಳೆಂಬ ಬೇಧದ ಅಡ್ಡಬೇಲಿಗಳನ್ನು ಮುರಿಯಬಹುದು. ಇಂದಿನ ಯುವಕರು ಕುವೆಂಪು ಓದಿ ಅವರ ಆದರ್ಶಗಳನ್ನು ಬದುಕಿನಲ್ಲಿ ಅಳವಡಿಸಿಕೊಳ್ಳಬೇಕು,” ಎಂದು ವೂಡೇ ಕೃಷ್ಣ ಅಭಿಪ್ರಾಯಪಟ್ಟರು.
ಇಂಗ್ಲಿಷ್ ಕೃತಿ ಲೋಕಾರ್ಪಣೆ: ಟಿ.ಎಸ್.ಎಲಿಯಟ್ ಪ್ರಭಾವ
ಸಾಂಸ್ಕೃತಿಕ ಚಿಂತಕರಾದ ಡಾ. ಬಂಜಗೆರೆ ಜಯಪ್ರಕಾಶ್ ಅವರು ಕಾರ್ಯಕ್ರಮದಲ್ಲಿ ಚಿನ್ನು ಪ್ರಕಾಶ್ ಶ್ರೀರಾಮನಹಳ್ಳಿ ಅವರ ಇಂಗ್ಲಿಷ್ ಕೃತಿ ಲೋಕಾರ್ಪಣೆ ಮಾಡಿ ಮಾತನಾಡಿ,“ಇಂಗ್ಲೆಂಡಿನ ಮಹಾಕವಿ ಟಿ ಎಸ್ ಎಲಿಯಟ್ ಅವರ ಎಲ್ಲಾ ಸಾಹಿತ್ಯ ಪ್ರಕಾರಗಳಲ್ಲಿ ವಿಶಿಷ್ಟ ಛಾಪು ಇದೆ. ಚಿನ್ನು ಪ್ರಕಾಶ್ ಅವರ ಕೃತಿಯಲ್ಲಿ ಪಾಶ್ಚಿಮಾತ್ಯ ಸಮಾಜ-ಸಂಸ್ಕೃತಿಗಳ ಸಮೀಕ್ಷೆಯೊಂದಿಗೆ ಭಾರತೀಯ ಪರಂಪರೆಗೆ ಸೇರಿದ ಅನೇಕ ವಿಚಾರಗಳ ಪ್ರೇರಣೆಯೂ ಇದೆ. ಇಂಥ Police ಇಲಾಖೆಯವರಿಂದ ಬರಹದ ಲೋಕದಲ್ಲಿ ಈ ರೀತಿಯ ಸಾಹಿತ್ಯಿಕ ಶ್ರಮ ದಕ್ಷಿಣೆಯಾಗಿದೆ.” ಎಂದರು.
ದತ್ತಿ ಪ್ರಶಸ್ತಿ ವಿಜೇತರ ಪಟ್ಟಿ:
ಈ ಕೆಳಗಿನ ನಾಲ್ವರಿಗೆ ಗೌರವಧನ, ಶಾಲು, ಹಾರ, ಫಲಕ ನೀಡಿ ಪುರಸ್ಕರಿಸಲಾಯಿತು:
-
ಹಾ. ವೀ. ಮಂಜುಳಾ ಶಿವಾನಂದ (ರಾಮನಗರ) – ಸತ್ಯಾಗ್ರಹಿ ದಂಪತಿಗಳು: ಜೀವನ ಚರಿತ್ರೆ
-
ದಾಳೇಗೌಡ ಹೊಸಹಳ್ಳಿ (ಶಿವಮೊಗ್ಗ) – ಪತ್ರೋತ್ಸವ: ಕಾದಂಬರಿ
-
ಚಿನ್ನು ಪ್ರಕಾಶ್ ಶ್ರೀರಾಮನಹಳ್ಳಿ (ಬೆಂಗಳೂರು ಗ್ರಾಮಾಂತರ) – ಖಾಲಿ ಜೋಳಿಗೆ ಫಕೀರ: ಕವನ ಸಂಕಲನ
-
ಜ್ಯೋತಿ ಎನ್. ಲಿಂಗಂಪಲ್ಲಿ (ಗುಲ್ಬರ್ಗ) – ಭಾವನಾ ಜ್ಯೋತಿ: ಕವನ ಸಂಕಲನ
ಪ್ರತಿಭಾ ಪುರಸ್ಕಾರ:
ಶೇ. 90% ಅಂಕ ಗಳಿಸಿದ ಬಡ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಡಾ. ಎಸ್.ಜಿ. ಸುಶೀಲಮ್ಮ (ಸುಮಂಗಲಿ ಸೇವಾಶ್ರಮ ಅಧ್ಯಕ್ಷರು) ಪ್ರತಿಭಾ ಪುರಸ್ಕಾರ ನೀಡಿ ಗೌರವಿಸಿದರು.
ಕಾರ್ಯಕ್ರಮದಲ್ಲಿ ಡಾ. ಎಸ್. ರಾಮಲಿಂಗೇಶ್ವರ್, ವಿ. ರೇಣುಕಾ ಪ್ರಸನ್ನ, ದತ್ತಿದಾನಿ ರಾಂ.ಕೆ. ಹನುಮಂತಯ್ಯ ಅವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು ಮತ್ತು ಕಾರ್ಯಕ್ರಮಕ್ಕೆ ಅಧ್ಯಕ್ಷತೆ ವಹಿಸಿದರು.
