ಅರಸೀಕೆರೆ ತಾಲ್ಲೂಕು, ಆಗಸ್ಟ್ 3: ಹಾಸನ ಜಿಲ್ಲೆಯ ಅರಸೀಕೆರೆ ತಾಲ್ಲೂಕಿನ ಹಾರನಹಳ್ಳಿ ಗ್ರಾಮದ ರೈತ ಅಜ್ಜಪ್ಪ ಅವರ ತೋಟದ ಮನೆಯಲ್ಲಿ ಚಿರತೆ ಬೋನಿಗೆ ಬಿದ್ದ ಘಟನೆ ಗ್ರಾಮದಲ್ಲಿ ಭಯಚಕ್ರ ಸೃಷ್ಟಿಸಿದೆ. ಯಳವಾರೆ ಗ್ರಾಮದ ಸೀಮೆಗೆ ಸೇರಿದ ಜಮೀನಿನಲ್ಲಿ ಈ ಚಿರತೆ ಹರಿದಾಡುತ್ತಿದ್ದರೆಂದು ಸ್ಥಳೀಯರು ತಿಳಿಸಿದ್ದಾರೆ.
ಈ ಭಾಗದ ರೈತರು ಕಳೆದ ಕೆಲವು ದಿನಗಳಿಂದ ಚಿರತೆ ಕಾಟದಿಂದ ಕಂಗಾಲಾಗಿದ್ದು, ತಮ್ಮ ಜಮೀನಿನಲ್ಲಿ ಕೆಲಸ ಮಾಡಲು ಕೂಡ ಭಯಪಡುತ್ತಿದ್ದಾರೆ. ಯಳವಾರೆ ಗ್ರಾಮದ ಕೆರೆಯ ಸುತ್ತಮುತ್ತ ಬಳ್ಳಾರಿ ಜಾಲಿ ಗಿಡಗಳು ತುಂಬು ಬೆಳೆದು, ಚಿರತೆಗಳು ಅವುಗಳಲ್ಲಿ ಮರೆತು ಬೀಡು ಬೀಳುವ ಪರಿಸ್ಥಿತಿ ನಿರ್ಮಾಣವಾಗಿದೆ.
ಈ ಕೆರೆ ಗೀಜಿಹಳ್ಳಿ ಗ್ರಾಮ ಪಂಚಾಯಿತಿಗೆ ಸೇರಿದ್ದು, ಗ್ರಾಮಸ್ಥರು ಹಾಗೂ ರೈತರು ಪಂಚಾಯಿತಿ ಅಧಿಕಾರಿಗಳು ಕೂಡಲೇ ಕ್ರಮ ಕೈಗೊಂಡು ಬಳ್ಳಾರಿ ಜಾಲಿಯನ್ನು ತೆರವುಗೊಳಿಸಿ, ಚಿರತೆ ಭೀತಿಯಿಂದ ಸುರಕ್ಷಿತ ಪರಿಸರ ನಿರ್ಮಿಸಬೇಕೆಂದು ಮನವಿ ಮಾಡುತ್ತಿದ್ದಾರೆ.
