ಪ್ರಾಣಿಗಳಿಂದ ಸಿಗುವ ಪ್ರತಿ ಮುನ್ಸೂಚನೆಗಳಿಗೆ ವೈಜ್ಞಾನಿಕ ಪುರಾವೆಗಳಿಂದ ಬೆಂಬಲಿತವಾಗಿಲ್ಲದೆ ಇದ್ದರೂ, ಅನೇಕ ಪ್ರಾಣಿಗಳು ಪರಿಸರ ಸಂವೇದನೆ ಮತ್ತು ಅಸ್ತಿತ್ವ ಉಳಿಸಿಕೊಳ್ಳುವ ಪ್ರವೃತ್ತಿಯಿಂದ ಪ್ರತಿಕ್ರಿಯಿಸುತ್ತವೆ.
ಶತಮಾನಗಳಿಂದ ಜನರು ಬದಲಾಗುತ್ತಿರುವ ಹವಾಮಾನದ ಚಿಹ್ನೆಗಳಿಗಾಗಿ ಪ್ರಕೃತಿಯನ್ನು ಗಮನಿಸುತ್ತಿದ್ದಾರೆ.
ಉಪಗ್ರಹಗಳು, ರಾಡಾರ್ ಮತ್ತು ಮುನ್ಸೂಚನೆ ಮಾದರಿಗಳ ಮೊದಲು ಜನರು ಹವಾಮಾನದ ವರದಿಗಾಗಿ ಪ್ರಾಣಿಗಳ ಮೇಲೆ ಅವಲಂಬಿತರಾಗಿದ್ದರು. ಪ್ರಾಣಿಗಳು ಪರಿಸರದ ಬದಲಾವಣೆಗಳಿಗೆ ಸಹಜವಾಗಿ ಪ್ರತಿಕ್ರಿಯಿಸುತ್ತವೆ. ಪ್ರಾಣಿಗಳಿಂದ ಸಿಗುವ ಪ್ರತಿ ಮುನ್ಸೂಚನೆಗಳಿಗೆ ವೈಜ್ಞಾನಿಕ ಪುರಾವೆಗಳಿಂದ ಬೆಂಬಲಿತವಾಗಿಲ್ಲದೆ ಇದ್ದರೂ, ಅನೇಕ ಪ್ರಾಣಿಗಳು ಜೀವಶಾಸ್ತ್ರೀಯ, ಪರಿಸರ ಸಂವೇದನೆ ಮತ್ತು ಅಸ್ತಿತ್ವ ಉಳಿಸಿಕೊಳ್ಳುವ ಪ್ರವೃತ್ತಿಯಿಂದ ಪ್ರತಿಕ್ರಿಯಿಸುತ್ತವೆ.
ಕಪ್ಪೆಗಳು
ಪ್ರಕೃತಿಯಲ್ಲಿ ಮಳೆ ಬರುವುದನ್ನು ಘೋಷಿಸುವವರು ಕಪ್ಪೆಗಳು. ಅನೇಕ ಪ್ರದೇಶಗಳಲ್ಲಿ ಮಳೆ ಬರುವ ಮೊದಲು ಕಪ್ಪೆಗಳು ಕಿರುಚುತ್ತಿರುತ್ತವೆ. ಈ ಕಪ್ಪೆಗಳ ಕೂಗಿನಿಂದ ಜನರು ಮಳೆ ಬರುವ ಸಮಯವಾಗಿದೆ ಎಂದು ಕಂಡುಕೊಳ್ಳುತ್ತಾರೆ.
ಏಕೆ ಸಂಭವಿಸುತ್ತದೆ: ಕಪ್ಪೆಗಳು ವಾತಾವರಣದ ಒತ್ತಡದಲ್ಲಿನ ಬದಲಾವಣೆಗಳು ಮತ್ತು ಹೆಚ್ಚುತ್ತಿರುವ ಆರ್ದ್ರತೆಗೆ ಪ್ರತಿಕ್ರಿಯಿಸುತ್ತವೆ. ಮಳೆ ಬೀಳುವ ಸ್ವಲ್ಪ ಮೊದಲು ಕಪ್ಪೆಗಳು ಕೂಗಲಾರಂಭಿಸುವುದು ಸಾಮಾನ್ಯವಾಗಿ ಕಂಡುಬರುವ ನಡವಳಿಕೆ. ತೇವಾಂಶವಿರುವ ಪರಿಸ್ಥಿತಿಗಳು ಸಂತಾನೋತ್ಪತ್ತಿಗೆ ಪೂರಕವಾಗಿರುತ್ತವೆ. ಹೀಗಾಗಿ ಹೆಚ್ಚು ಅಬ್ಬರದಲ್ಲಿ ಮತ್ತು ಆಗಾಗ್ಗೆ ಕೂಗಲು ಕಾರಣವಾಗುತ್ತದೆ.
- ಪಕ್ಷಿಗಳು
ಆಗಸದ ಆರಂಭಿಕ ಎಚ್ಚರಿಕೆಯ ಗಂಟೆ ಪಕ್ಷಿಗಳಾಗಿರುತ್ತವೆ. ಮುಖ್ಯವಾಗಿ ಕೃಷಿ ಸಮುದಾಯಗಳಲ್ಲಿ ಪಕ್ಷಿಗಳ ನಡವಳಿಕೆ ಅನೇಕ ಗಾದೆಮಾತುಗಳಿಗೆ ಪ್ರೇರಣೆ ನೀಡಿವೆ.
ಕೆಳಮಟ್ಟದಲ್ಲಿ ಸ್ವಾಲೋಗಳು: ಸ್ವಾಲೋ ಅಥವಾ ಕವಲುತೋಕೆ ಪಕ್ಷಿಗಳು ಹೆಚ್ಚಿನ ಆರ್ದ್ರತೆಯಲ್ಲಿ ನೆಲಕ್ಕೆ ಹತ್ತಿರದಲ್ಲಿ ಸುಳಿದಾಡುವುದರಿಂದ ಮಳೆ ಸನ್ನಿಹಿತವಾಗುತ್ತಿದೆ ಎಂದು ಕೃಷಿಕರಿಗೆ ತಿಳಿದುಬರುತ್ತದೆ. ಪಕ್ಷಿಗಳು ಹಠಾತ್ ಮೌನ ಅಥವಾ ಅನಿಯಮಿತವಾಗಿ ಹಾರಾಡಿದಲ್ಲಿ ಸಮೀಪಿಸುತ್ತಿರುವ ಚಂಡಮಾರುತದ ಸಂಭಾವ್ಯ ಚಿಹ್ನೆಯನ್ನು ಸೂಚಿಸುತ್ತದೆ
ಏಕೆ ಸಂಭವಿಸುತ್ತದೆ: ಪಕ್ಷಿಗಳು ವಾಯುಭಾರ ಒತ್ತಡ (ಬಾರೋಮೆಟ್ರಿಕ್ ಪ್ರೆಶರ್) ಮತ್ತು ಗಾಳಿಯ ದಿಕ್ಕಿನ ಬಗ್ಗೆ ಹೆಚ್ಚು ಸೂಕ್ಷ್ಮವಾಗಿರುತ್ತವೆ. ಹೀಗಾಗಿ ಹವಾಮಾನ ಬದಲಾವಣೆಯ ಸಹಜವಾದ ಸೂಚಕಗಳಾಗಿರುತ್ತವೆ.
- ಬೆಕ್ಕುಗಳು
ಬೆಕ್ಕುಗಳು ಚಂಡಮಾರುತದ ಶಾಂತ ಸಂವೇದಕಗಳಾಗಿರುತ್ತವೆ. ಬೆಕ್ಕುಗಳು ಸಮೀಪಿಸುತ್ತಿರುವ ಮಳೆ ಅಥವಾ ಬಿರುಗಾಳಿಗಳನ್ನು ಗ್ರಹಿಸುತ್ತವೆ ಎಂದು ಭಾವಿಸಲಾಗಿದೆ. ಅಂತಹ ಹವಾಮಾನ ಬದಲಾವಣೆಯ ಸಂದರ್ಭದಲ್ಲಿ ಅವಿಶ್ರಾಂತವಾಗಿರುತ್ತವೆ, ಅಂಟಿಕೊಂಡಿರುತ್ತವೆ ಅಥವಾ ಅಡಗಿರುತ್ತವೆ,
ಏಕೆ ಸಂಭವಿಸುತ್ತವೆ: ಅವುಗಳ ಮೀಸೆಗಳು ಗಾಳಿಯ ಒತ್ತಡದ ಸೂಕ್ಷ್ಮ ಬದಲಾವಣೆಗಳನ್ನು ಗ್ರಹಿಸಬಹುದು. ಬೆಕ್ಕುಗಳು ಪರಿಸರದಲ್ಲಿ ಸ್ಥಿರ ವಿದ್ಯುತ್ ಗೆ (ಸ್ಟಾಟಿಕ್ ಎಲೆಕ್ಟ್ರಿಸಿಟಿ) ಅತ್ಯಂತ ಸೂಕ್ಷ್ಮವಾಗಿರುತ್ತವೆ. ಹೀಗಾಗಿ ಬೆಕ್ಕುಗಳ ಈ ವರ್ತನೆ ಗುಡುಗು ಸಹಿತ ಮಳೆಯ ಮೊದಲು ಹೆಚ್ಚಾಗುತ್ತದೆ.
- ಹಸುಗಳು
ಹಸುಗಳು ನಿಶ್ಚಲವಾಗಿ ನಿಲ್ಲುವ ಮೂಲಕ ಮಳೆಯ ಮುನ್ಸೂಚನೆ ನೀಡುತ್ತವೆ. ಮಳೆಗೆ ಮೊದಲು ಹಸುಗಳು ಮಲಗುತ್ತವೆ ಎಂಬುದು ಹಳೆಯ ನಂಬಿಕೆ.
ಏಕೆ ಸಂಭವಿಸುತ್ತದೆ: ಹೆಚ್ಚುತ್ತಿರುವ ತೇವಾಂಶ ಮತ್ತು ತಂಪಾದ ಗಾಳಿಯ ಒತ್ತಡವು ಹೆಚ್ಚಾಗಿ ಹುಲ್ಲನ್ನು ತೇವಗೊಳಿಸುತ್ತದೆ ಮತ್ತು ಹಸುಗಳು ಒಣ ಮತ್ತು ಬೆಚ್ಚಗಿನ ಸ್ಥಳಗಳನ್ನು ರಕ್ಷಿಸಲು ಮಲಗಿಬಿಡುತ್ತವೆ. ಆರ್ದ್ರತೆ ಹೆಚ್ಚಾದಾಗ ಅವು ಕಡಿಮೆ ಸಕ್ರಿಯವಾಗಿರಬಹುದು.
- ಇರುವೆಗಳು
ಮಳೆ ಅಥವಾ ಬಿರುಗಾಳಿಗೆ ಮೊದಲು ಇರುವೆಗಳು ತಮ್ಮ ದಿಬ್ಬಗಳನ್ನು ಬಲಪಡಿಸುತ್ತವೆ. ದೊಡ್ಡ ಪ್ರಮಾಣದಲ್ಲಿ ಒಟ್ಟುಗೂಡಿ ತಮ್ಮ ಮನೆಗಳನ್ನು ಬಲಪಡಿಸುತ್ತವೆ.
ಏಕೆ ಸಂಭವಿಸುತ್ತದೆ: ಇರುವೆಗಳು ವಾಯುಭಾರ ಒತ್ತಡದಲ್ಲಿನ ಕುಸಿತವನ್ನು ಪತ್ತೆ ಮಾಡುತ್ತವೆ ಮತ್ತು ಪ್ರವಾಹ ತಡೆಗಟ್ಟಲು ತಮ್ಮ ಗೂಡುಗಳನ್ನು ಸರಿಹೊಂದಿಸುತ್ತವೆ. ಮನೆಯ ಸುತ್ತಮುತ್ತ ಇರುವೆಗಳು ಹಠಾತ್ ದಾರಿ ಮಾಡಿಕೊಂಡು ಸಾಗುತ್ತಿದ್ದರೆ ಮಳೆಯ ಮುನ್ಸೂಚನೆಯಾಗಿರಬಹುದು.
- ಶಾರ್ಕ್ ಗಳು
ಶಾರ್ಕ್ ಗಳು ಒತ್ತಡದ ಕುಸಿತಗಳ ಅರಿವು ಪಡೆಯುವ ಸೂಕ್ಷ್ಮತೆ ಹೊಂದಿರುತ್ತವೆ. ಸಾಗರದಲ್ಲಿ ಪ್ರಮುಖ ಬಿರುಗಾಳಿ ಅಥವಾ ಚಂಡಮಾರುತ ಬೀಸುವ ಮೊದಲು ಶಾರ್ಕ್ಗಳು ಆಳವಾದ ನೀರಿನಲ್ಲಿ ಈಜುವುದನ್ನು ಗಮನಿಸಲಾಗಿದೆ.
ಏಕೆ ಸಂಭವಿಸುತ್ತದೆ: ಶಾರ್ಕ್ಗಳು ಲೊರೆಂಜಿನಿ ಆಂಪ್ಯುಲೆ ಎನ್ನುವ ಸಂವೇದನಾ ಅಂಗಗಳನ್ನು ಹೊಂದಿವೆ. ಅದರಿಂದಾಗಿ ಸಣ್ಣ ವಿದ್ಯುದೀಯ ಮತ್ತು ನೀರಿನ ಒತ್ತಡ ಬದಲಾವಣೆಗಳನ್ನು ಪತ್ತೆ ಮಾಡಲು ಸಾಧ್ಯವಾಗುತ್ತದೆ. ಹೀಗಾಗಿ ಅಪಾಯಕಾರಿ ಪರಿಸ್ಥಿತಿಗಳಿಂದ ತಪ್ಪಿಸಿಕೊಳ್ಳುತ್ತವೆ.
- ಜೇನುನೊಣಗಳು
ಹವಾಮಾನ ಸಂಬಂಧಿತ ಆಹಾರ ಹುಡುಕುವುದರಲ್ಲಿ ಸಿದ್ಧಹಸ್ತರು. ಜೇನುನೊಣಗಳು ಬಿಸಿಲು ಮತ್ತು ಮಳೆಯನ್ನು ಸೂಚಿಸುವ ಪ್ರಕೃತಿಯ ಮೊದಲ ಸೂಚಕಗಳು. ಜೇನುನೊಣಗಳು ಜೇನುಗೂಡಿನ ಸಮೀಪ ಅಥವಾ ಕೆಳಗೆ ಹಾರಿದರೆ ಮಳೆ ಸಮೀಪಿಸುತ್ತದೆ ಎಂದು ತಿಳಿದುಕೊಳ್ಳಬೇಕು.
ಏಕೆ ಸಂಭವಿಸುತ್ತದೆ: ಜೇನುನೊಣಗಳು ತೇವಾಂಶ ಮತ್ತು ಸಂಚಾರದ ಸಾಮರ್ಥ್ಯದ ಆಧಾರದ ಮೇಲೆ ತಮ್ಮ ಆಹಾರ ಹುಡುಕುತ್ತವೆ. ಗಾಳಿ ಅಥವಾ ಮಳೆಯ ಪರಿಸ್ಥಿತಿಯಲ್ಲಿ ಆಹಾರ ಹುಡುಕುವುದು ಕಷ್ಟವಾದ ಕಾರಣ ಗೂಡಿನ ಸುತ್ತಲೂ ಹಾರಾಡುತ್ತವೆ.
