ಭಾರತದಲ್ಲಿ ಸುಟ್ಟಗಾಯದ ಪೀಡಿತರಿಗೆ ಆಸ್ಪತ್ರೆಗಳಲ್ಲಿ ನಿರ್ಲಕ್ಷ್ಯ, ಅವಮಾನ: ಗ್ಲೋಬಲ್ ಅಧ್ಯಯನದಿಂದ ಕಡುಸತ್ಯ ಬಯಲು

ಹೊಸ ಅಧ್ಯಯನದ ಪ್ರಕಾರ, ಸುಡುವ ಗಾಯದಿಂದ ಬದುಕಿದವರು ಭೌತಿಕ ನೋವಿಗಿಂತಲೂ ಹೆಚ್ಚು, ಸಾಮಾಜಿಕ ಅಸಹನೆ, ಆರೋಗ್ಯ ಸಂಸ್ಥೆಗಳಲ್ಲಿ ಭೇದಭಾವ ಹಾಗೂ ಮಾನಸಿಕ ಆಘಾತಕ್ಕೆ ಒಳಗಾಗುತ್ತಿದ್ದಾರೆ. ಈ ಅಧ್ಯಯನವು, ಆಸ್ಪತ್ರೆಗಳಲ್ಲಿ ಸುಡುವ ಗಾಯಗೊಂಡವರಿಗೆ ಆಗುವ ಅಪಮಾನ, ತಿರಸ್ಕಾರ, ದೌರ್ಜನ್ಯವನ್ನು ದಾಖಲಿಸಿದ ಜಗತ್ತಿನ ಮೊದಲ ಅಧ್ಯಯನವಾಗಿದೆ.

ಅಧ್ಯಯನದ ಪ್ರಮುಖ ಅಂಶಗಳು:

• ಗಾಯಗೊಂಡ ಮಹಿಳೆಯರು, ಬಡವರು, ಆಮ್ಲದ ದಾಳಿಗೆ ಒಳಗಾದವರು ಹೆಚ್ಚು ತಿರಸ್ಕಾರಕ್ಕೆ ಒಳಗಾಗುತ್ತಿದ್ದಾರೆ.
• ವೈದ್ಯರು ಮತ್ತು ಆಸ್ಪತ್ರೆ ಸಿಬ್ಬಂದಿ “ಅಸಹಾಯಕ”, “ಅನಾವಶ್ಯಕ” ಎಂಬ ಅಭಿಪ್ರಾಯದಿಂದ ನಿರ್ಲಕ್ಷ್ಯ ವರ್ತನೆ ತೋರಿಸುತ್ತಿದ್ದಾರೆ.
• ಕೆಲವೊಮ್ಮೆ ಶಾರೀರಿಕವಾಗಿ ಜಿಡ್ಡಾಗಿ, ಎದರುತ್ತಾ ಚಿಕಿತ್ಸೆ ನೀಡಿರುವುದಾಗಿ ರೋಗಿಗಳು ತಿಳಿಸಿದ್ದಾರೆ.
• ಗಾಢ ಗಾಯಗಳಿಂದ ಬಳಲುತ್ತಿರುವವ ಬಡವರಿಗೆ  ವೈದ್ಯಕೀಯ ಸೌಲಭ್ಯಗಳು ದುಬಾರಿಯಾಗಿ ಪರಿಗಣಿಸಿದೆ.
• ಸಾಮಾಜಿಕವಾಗಿ “ಅಸ್ಪೃಶ್ಯ” ಎನ್ನುವಂತ ದೃಷ್ಟಿಯಿಂದ ಪ್ರತ್ಯಕ್ಷ ಅಥವಾ ಪರೋಕ್ಷವಾಗಿ ದೂರವಿರುವ ಪ್ರವೃತ್ತಿ ಕಂಡುಬಂದಿದೆ.

ಅಧ್ಯಯನವನ್ನು ಹಮ್ಮಿಕೊಂಡವರು: The George Institute for Global Health, India, ಜೊತೆಗೆ ಅಲಿಗಢ್ ಮುಸ್ಲಿಂ ವಿಶ್ವವಿದ್ಯಾಲಯ, ಲಕ್ನೋ ಖ್ಯಾತ ಕಿಂಗ್ ಜಾರ್ಜ್ ವೈದ್ಯಕೀಯ ಕಾಲೇಜು, ಹಾಗೂ ಆಸ್ಟ್ರೇಲಿಯಾದ ನ್ಯೂ ಸೌತ್ ವೆಲ್ಸ್ ವಿಶ್ವವಿದ್ಯಾಲಯ.

ಇದನ್ನು ಓದಿ:  ಘಾನಾದಿಂದ ಮೋದಿ ಅವರಿಗೆ ರಾಷ್ಟ್ರದ ಅತ್ಯುನ್ನತ ಗೌರವ: ‘ಆರ್ಡರ್ ಆಫ್ ದಿ ಸ್ಟಾರ್ ಆಫ್ ಘಾನಾ’ ಪ್ರದಾನ

ಪರಿಶೀಲನೆಯು ಈ ಕೆಳಕಂಡಂತೆ ಉಲ್ಲೇಖಿಸಿದೆ: – 

• ಆರೋಗ್ಯ ವ್ಯವಸ್ಥೆಯ ದೌರ್ಬಲ್ಯ, ಸಿಬ್ಬಂದಿಗಳ ಸಂಖ್ಯೆ ಕಡಿಮೆ, ಸಂಪನ್ಮೂಲ ಕೊರತೆ, ಮತ್ತು ಆರ್ಥಿಕ ಸವಾಲುಗಳಿವೆ.

• ಸೋಂಕು ನಿಯಂತ್ರಣಕ್ಕಾಗಿ ಹೇರಲಾಗುವ ಪ್ರೋಟೋಕಾಲ್‌ಗಳು (ಹೆಚ್ಚು ದೂರವಿದ್ದು, ಪಿಪಿಇ ಧರಿಸಿ ಮಾತನಾಡುವುದು) ಕೆಲವೊಮ್ಮೆ ಅಪಮಾನವಾಗಿ ಭಾಸವಾಗಬಹುದು.

• ಈ ಎಲ್ಲ ಅನುಭವಗಳು, ಪುನಶ್ಚೇತನದ (rehabilitation) ಭವಿಷ್ಯವನ್ನು ಹದಗೆಡಿಸುತ್ತವೆ ಹಾಗೂ ಸಮಾಜದಲ್ಲಿ ಮತ್ತೆ ಬದುಕಲು ಕಷ್ಟವಾಗುತ್ತದೆ.

ಇದನ್ನು ಓದಿ:‘ಹೃದಯಾಘಾತ’ ಎಂಬ ಮೌನ ಮಹಾಮಾರಿ ಬಗ್ಗೆ ಬೇಡ ಆತಂಕ – ❤️ ಇರಲಿ ಎಚ್ಚರ

ಪರಿಹಾರಕ್ಕೆ ಅಧ್ಯಯನ  ಈ ಕೆಳಕಂಡಂತೆ ಸೂಚಿಸುತ್ತದೆ:

• ಆರೋಗ್ಯ ನೀತಿಗಳ ಪುನರ್‌ರಚನೆ ಮತ್ತು ವೈದ್ಯಕೀಯ ಸಂಸ್ಥೆಗಳಲ್ಲಿ ಭೇದಭಾವರಹಿತ ವ್ಯವಹಾರದ  ನೀತಿ ಜಾರಿಯಾಗಬೇಕು.
• ಸಾರ್ವಜನಿಕ ಆಸ್ಪತ್ರೆಗಳ ಸುಡುಗಾಯ ಘಟಕಗಳನ್ನು ಬಲಪಡಿಸಿ, ಪುನಶ್ಚೇತನ ಸೇವೆಗಳನ್ನು ವಿಸ್ತರಿಸಬೇಕು.
• ವೈದ್ಯರಿಗೆ ಮಾನವೀಯತೆ ಬೆಳೆಸುವ ತರಬೇತಿಯನ್ನು ಕೊಡಬೇಕು.
• ಸುಡುವ ಗಾಯಗಳ ಬಗ್ಗೆ ಸಾಮಾಜಿಕ ಜಾಗೃತಿ ಮೂಡಿಸಿ, ಬದುಕು ಮತ್ತೆ ಕಟ್ಟಿಕೊಳ್ಳಲು ಸಹಾಯವಾಗುವ ಸಮಾಜವನ್ನು ರೂಪಿಸಬೇಕು.