ಆರೋಗ್ಯವಂತ ಯುವ ಸಮುದಾಯದಲ್ಲಿ ಹಠಾತ್ ಸಾವುಗಳಲ್ಲಿರುವ ನಿಖರ ಕಾರಣ – ಹೊಸ ಅಧ್ಯಯನದ ಶಾಕ್ ವರದಿ

ಇತ್ತೀಚಿನ ದಿನಗಳಲ್ಲಿ ಆರೋಗ್ಯವಂತರು ದಿಢೀರ್ ನಿಧನಕ್ಕೆ ತುತ್ತಾಗುತ್ತಿರುವ ಘಟನೆಗಳು ಯುವ ಸಮುದಾಯದಲ್ಲಿ ಆತಂಕ ಮೂಡಿಸುತ್ತಿವೆ. ಹೃದಯಾಘಾತ, ಅನಾರೋಗ್ಯವಿಲ್ಲದ ಸಾವುಗಳು, ದೈನಂದಿನ ಚಟುವಟಿಕೆಗಳಲ್ಲಿ ಕುಸಿದು ಬಿದ್ದು ನಿಧನವಾಗುವ ಪ್ರಕರಣಗಳು ಹೆಚ್ಚಾಗಿರುವುದು ಗಮನಸೆಳೆದಿದೆ.

AIIMS ನ ಹೊಸ ಅಧ್ಯಯನದ ವರದಿ ತಿಳಿಸುವಂತೆ, ಕಳೆದ ಎರಡು ವರ್ಷಗಳಲ್ಲಿ 2,214 ಶವಪರೀಕ್ಷೆಗಳನ್ನು ಪರಿಶೀಲಿಸಿದಾಗ, 180 ಪ್ರಕರಣಗಳು (8.1%) ಹಠಾತ್ ಸಾವುಗಳಿಗೆ ಹೊಂದಿಕೆಯಾಗಿವೆ. ಈ 103 ಪ್ರಕರಣಗಳಲ್ಲಿ 57.2% ಯುವಕರು 18–45 ವರ್ಷದೊಳಗಿನವರು, ಬಹುತೇಕರು ಆರೋಗ್ಯವಂತರು. ಹೆಚ್ಚಿನ ಸಂಖ್ಯೆಯ ಸಾವುಗಳು ಪುರುಷರಲ್ಲಿ ಕಂಡುಬಂದಿದ್ದು, ಮನೆಯಲ್ಲಿ, ಪ್ರಯಾಣ ಮಾಡುವಾಗ ಅಥವಾ ನಿದ್ರೆಯಲ್ಲಿ ಸಂಭವಿಸಿರುವುದಾಗಿ ವರದಿ ಮಾಡಲಾಗಿದೆ.

ಇದನ್ನು ಓದಿ: ALERT : ದೇಹದಲ್ಲಿ ಮದ್ಯ ಎಷ್ಟು ಕಾಲ ಇರುತ್ತದೆ? ಆಲ್ಕೋಹಾಲ್ ಕುರಿತ ಆಘಾತಕಾರಿ ಸತ್ಯಗಳು ಬಹಿರಂಗ

ಹಠಾತ್ ಸಾವುಗಳ ಪ್ರಮುಖ ಕಾರಣಗಳಲ್ಲಿ 42.6% ಪ್ರಕರಣಗಳು ಹೃದಯರಕ್ತನಾಳದ ಸಮಸ್ಯೆಗಳಿಗೂ, ಶೇ.70ಕ್ಕೂ ಹೆಚ್ಚು ಪ್ರಕರಣಗಳಲ್ಲಿ ರಕ್ತನಾಳದ ಅಡ್ಡಿಗಳು ನಿರ್ಣಾಯಕ ಕಾರಣವಾಗಿರುವುದಾಗಿ ಅಧ್ಯಯನವು ತಿಳಿಸಿದೆ. 21.3% ಪ್ರಕರಣಗಳಲ್ಲಿ ನಿಖರ ಕಾರಣ ಪತ್ತೆಯಾಗಿಲ್ಲ. ಇತರ ಕೆಲವು ಪ್ರಕರಣಗಳಲ್ಲಿ ಶ್ವಾಸಕೋಶದ ಸಮಸ್ಯೆಗಳು, ನ್ಯುಮೋನಿಯಾ, ಕ್ಷಯ, ಆಲ್ಕೋಹಾಲ್ ಮತ್ತು ಧೂಮಪಾನವು ಸೂಕ್ಷ್ಮ ಕಾರಣಗಳಾಗಿವೆ.

ಆದರೆ ಪ್ರಮುಖವಾಗಿ, ಯುವಕರಲ್ಲಿ ಹಠಾತ್ ಸಾವುಗಳು ಯಾವುದೇ ಮುನ್ಸೂಚನೆ ಇಲ್ಲದೆ ಸಂಭವಿಸುತ್ತಿದ್ದು, ಸಾಮಾಜಿಕ ಜಾಗೃತಿ ಮತ್ತು ವೈದ್ಯಕೀಯ ಗಮನವನ್ನು ಹೆಚ್ಚಿಸುವ ಅಗತ್ಯವಿದೆ. ಆರೋಗ್ಯವಂತರು ದಿಢೀರ್ ಸಾವುಗಳಿಂದ ತಪ್ಪಿಸಿಕೊಳ್ಳಲು ಹೃದಯ ಪರೀಕ್ಷೆ, ಜೀವನಶೈಲಿ ನಿಯಂತ್ರಣ ಮತ್ತು ಸೂಕ್ತ ಆರೋಗ್ಯ ಕಾಳಜಿ ಅಗತ್ಯವೆಂಬುದು ಈ ಅಧ್ಯಯನದಿಂದ ಸ್ಪಷ್ಟವಾಗಿದೆ.