ನೀನು ಇಲ್ಲದೆ,
ನಾನು ಬದುಕುವುದಾದರೂ ಹೇಗೆ..?
ಈ ಬದುಕಲು ಬೇಡವಾಗಿದೆ…
ನಗಲು ಮರೆಯಾಗಿದೆ ನೀ ಇಲ್ಲದೇ….!
ಪತ್ರಿ ಕ್ಷಣ
ನೀನು ಜೊತೆಯಿಲ್ಲ ಎನ್ನುವ ಭಾವ
ಮನಸಿನ ನೋವನ್ನು ಹೆಚ್ಚಿಸುತ್ತಿದೆ
ವಿವರಿಸಲು,
ತುಟಿಗಳು ಪದಗಳನ್ನೇ ಮರೆತಿವೆ….
ನೀನು ಜೊತೆ ಇಲ್ಲದೆ
ಕಣ್ಣುಗಳು ನಿರ್ಜನವಾಗಿ,
ಬಣ್ಣಗಳನ್ನು ಗುರುತಿಸಲು ಸಹ ಅಸಾಧ್ಯವಾಗಿದೆ…!
ನೀವಿಲ್ಲದೆ, ಜಗತ್ತು ಖಾಲಿಯಾಗಿ,
ನಾನು ಒಬ್ಬಂಟಿಯಾದೆ ಎನ್ನುವ ಭಾವ
ಪ್ರತಿ ಕ್ಷಣ
ಪ್ರತಿ ದಿನ
ಜೀವ ಹಿಂಡುತ್ತಿವೆ….!
ಎನ್ನುತ್ತೀದ್ದ ನಾನು,
ನೀನಲ್ಲದೇ ನಾ ತುಂಬಾ ಚೆನ್ನಾಗಿದ್ದೀನಿ ಬಿಡು,
ಅನ್ನೋವರೆಗೂ ಗಟ್ಟಿಯಾಗಿ ಬಿಟ್ಟಿದ್ದೀನಿ ಗೆಳೆಯ….!
ನನಗೆ ನಾನೇ ಸಾಕು ಎಂಬ ಸತ್ಯದ
ಅರಿವು
ಮೂಡಿದ ಮೇಲಂತೂ,
ನಾನೂ ಮತ್ತಷ್ಟು
ಗಟ್ಟಿಯಾಗಿ,
ಸ್ಥೈರ್ಯ ವಾಗಿದ್ದೇನೆ ಎನ್ನುವ ಭಾವ
ನನಗೆ ನನ್ನನ್ನೂ ಪರಿಚಯಿಸಿದೆ…!
ನೋಡು ನೀ ನೀಲ್ಲದೆ ನಾನು
ಒಬ್ಬಂಟಿಯಾಗಿ
ಚೆನ್ನಾಗೀದ್ದೇನೆ ಎನ್ನುವುದಕ್ಕಿಂತ
ತುಂಬಾ ಸ್ವತಂತ್ರ್ಯವಾಗಿ
ಸ್ವ ಇಚ್ಚೆಯಿಂದ ಬದುಕಲು ಕಲಿತ್ತೇನೆ ಎನ್ನುವುದು ಸರಿ ಇದೆ ನೋಡು..!
ಏನಮ್ಮಾ ತುಂಬಾ ಚೆನ್ನಾಗಿ ಕಾಣತ್ತಾ ಇದ್ಯಾ
ಅನ್ನೋರ ಸಂಖ್ಯೆ
ಸ್ವಲ್ಪ ಜಾಸ್ತಿ ನೇ ಆಗಿದೆ….ನೋಡು…!
ಏನೇ ಹೇಳು ಗೆಳಯ…
ನೀ ನಿಲ್ಲದೇ
ನಾನು ಇಲ್ಲ
ಅನ್ನೋ ಸುಳ್ಳು …
ಮನವರಿಕೆಯಾಗಿದೆ….ನೋಡು…!😊
– ಮೌನಾತ್ಮ( ಮಾಲಾ ಹಾಸನ್ )
