ಕಂಟೇನರ್ ಹಡಗು ಕೊಚ್ಚಿ ಸಮುದ್ರದಲ್ಲಿ ಮುಳುಗಡೆ: ತೈಲ ಮತ್ತು ರಾಸಾಯನಿಕ ಸೋರಿಕೆಯ ಭೀತಿ

ಕೊಚ್ಚಿ: ಲೈಬೀರಿಯನ್ ಧ್ವಜ ಹೊತ್ತ ಕಂಟೇನರ್ ಹಡಗು MSC ELSA 3 ರವಿವಾರ ಬೆಳಗ್ಗೆ ಕೊಚ್ಚಿಯಿಂದ ಸುಮಾರು 38 ನಾಟಿಕಲ್ ಮೈಲು ದೂರದಲ್ಲಿ ಮುಳುಗಡೆ ಯಾಗಿದೆ. ಇದರಿಂದಾಗಿ ಕೇರಳ ಕರಾವಳಿಯಲ್ಲಿ ಭಾರೀ ಪ್ರಮಾಣದ ತೈಲ ಮತ್ತು ರಾಸಾಯನಿಕ ಸೋರಿಕೆ ಭೀತಿ ಪರಿಸರ ಅಪಾಯ ಎದುರಾಗಿದೆ.

ಮುಳುಗಡೆಯಾದ ಹಡಗಿನಲ್ಲಿ 84.44 ಮೆಟ್ರಿಕ್ ಟನ್ ಡೀಸೆಲ್, 367.1 ಮೆಟ್ರಿಕ್ ಟನ್ ಫರ್ನೇಸ್ ಆಯಿಲ್ ನ 640 ಕಂಟೇನರ್‌ಗಳನ್ನು ಸಾಗಿಸುತ್ತಿತ್ತು. ಇದರಲ್ಲಿ 13 ಅಪಾಯಕಾರಿ ಸರಕು ಮತ್ತು 12 ಕ್ಯಾಲ್ಸಿಯಂ ಕಾರ್ಬೈಡ್ ಹೊಂದಿರುವ ಕಂಟೇನರ್‌ಗಳೂ ಸೇರಿರುವುದು ಆತಂಕಕ್ಕೆ ಕಾರಣವಾಗಿದೆ.

ಭಾರತೀಯ ಕರಾವಳಿ ಕಾವಲು ಪಡೆ ಮತ್ತು ಭಾರತೀಯ ನೌಕಾಪಡೆ ಜಂಟಿ ಕಾರ್ಯಾಚರಣೆ ನಡೆಸಿ ಹಡಗಿನಲ್ಲಿದ್ದ 24 ಮಂದಿ ಸಿಬಂದಿಯನ್ನು ರಕ್ಷಿಸಿದ್ದಾರೆ. ಭಾರೀ ಪ್ರಮಾಣದ ತೈಲ ಮತ್ತು ರಾಸಾಯನಿಕ ಸೋರಿಕೆಯ ಅಪಾಯದ ಬಗ್ಗೆ ಕಳವಳಗಳು ತೀವ್ರಗೊಂಡಿವೆ.