ಚನ್ನರಾಯಪಟ್ಟಣ: ತಾಲೂಕಿನ ಹಿರೀಸಾವೆ ಹೋಬಳಿಯಲ್ಲಿ 2018 ರಲ್ಲಿ ಚಾಲನೆ ನೀಡಲಾಗಿದ್ದ ತೋಟಿ ಏತ ನೀರಾವರಿ ಕಾಮಗಾರಿಯನ್ನು ಶೀಘ್ರ ಪೂರ್ಣಗೊಳಿಸುವಂತೆ ಕರುನಾಡು ಸರ್ವಜನ ವೇದಿಕೆ ಕನ್ನಡಪರ ಸಂಘಟನೆಯ ಒಕ್ಕೂಟದ ರಾಜ್ಯಾಧ್ಯಕ್ಷ ರಾದ ಜಿ.ಆರ್. ಶರತ್‌ ಒತ್ತಾಯಿಸಿದರು. ಪಟ್ಟಣದ ಪತ್ರಕರ್ತರ ಭವನದಲ್ಲಿ ಪತ್ರಿಕಾಗೋಷ್ಟಿ ನಡೆಸಿ ಮಾತನಾಡಿದ ಅವರು, ತೋಟಿ ಏತ ನೀರಾವರಿ ಕಾಮಗಾರಿ ಪೂರ್ಣಗೊಂಡಿಲ್ಲದ ಕಾರಣ 45ರಿಂದ 50 ಗ್ರಾಮಗಳಿಗೆ ಅನಾನುಕೂಲವಾಗಿದ್ದು ಜನ ಜಾನುವಾರಗಳಿಗೆ ಕುಡಿಯುವ ನೀರಿನ ಅಭಾವ ಉಂಟಾಗಿದೆ. ಸಂಬಂಧಪಟ್ಟ ಅಧಿಕಾರಿಗಳಿಗೆ ಮತ್ತು ಗುತ್ತಿಗೆದಾರರು ಆದಷ್ಟು ಬೇಗ ಪೂರ್ಣಗೊಳಿಸುವಂತೆ ಸರಕಾರವು ಆದೇಶ ಮಾಡಬೇಕು ಎಂದು ಮನವಿ ಮಾಡಿದರು.ಈ ಬಗ್ಗೆ ಕ್ರಮ ಕೈಗೊಳ್ಳಲು ಆರು ತಿಂಗಳ ಗಡುವು ನೀಡಿದ್ದು ಕ್ರಮ ಕೈಗೊಳ್ಳದಿದ್ದರೆ ಸುಮಾರು 45 ಗ್ರಾಮಗಳ ಗ್ರಾಮಸ್ಥರು ವಿಧಾನಸೌಧ ಚಲೋ ನಡೆಸುವ ಮೂಲಕ ವಿಧಾನಸೌಧ ಮುತ್ತಿಗೆ ಹಾಕಲಾಗದು ಎಂದು ತಿಳಿಸಿದರು.ಇದೇ ಸಂದರ್ಭದಲ್ಲಿ ಜನಿವಾರ ಶರತ್, ಕಮಲ್ ಕುಮಾರ್, ವಿಕಾಸ್ ಗೌಡ, ರಮೇಶ್, ಮನು, ಉಮೇಶ್, ಪ್ರಭಾಕ‌ರ್ ಸೇರಿದಂತೆ ಇತರರು ಹಾಜರಿದ್ದರು.

ಇದನ್ನು ಓದಿ :

ಚನ್ನರಾಯಪಟ್ಟಣ: ಮೋದಿ ಸರ್ಕಾರದ ಜಿಎಸ್‌ಟಿ ಕಡಿತ ಜನರಿಗೆ ಹಬ್ಬದ ಉಡುಗೊರೆ ಬಿಜೆಪಿ ಮುಖಂಡರ ಮೆರವಣಿಗೆ ಸಂಭ್ರಮಾಚರಣೆ