ನವದೆಹಲಿ: ಭಾರತದ ಫಲವತ್ತತೆ ದರವು ಈಗಾಗಲೇ ಪುನರ್‌ಸ್ಥಾಪನಾ ಮಟ್ಟಕ್ಕಿಂತ ಕೆಳಗೆ ಕುಸಿದಿದ್ದು, ಈ ಶತಮಾನದ ಅಂತ್ಯದ ವೇಳೆಗೆ ದೇಶವು ಹೆಚ್ಚು ವಯಸ್ಸಾದ ಜನಸಂಖ್ಯೆಯನ್ನು ಹೊಂದುವ ಸಾಧ್ಯತೆ ಇದೆ ಎಂದು ಮೂಡೀಸ್ ರೇಟಿಂಗ್ಸ್ ತನ್ನ ಜಾಗತಿಕ ಜನಸಂಖ್ಯಾ ವರದಿಯಲ್ಲಿ ತಿಳಿಸಿದೆ.
ಸೆಪ್ಟೆಂಬರ್ 29, 2026ರಂದು ಬಿಡುಗಡೆ ಮಾಡಿರುವ ವರದಿಯ ಪ್ರಕಾರ, ಜಾಗತಿಕ ಮಟ್ಟದಲ್ಲಿಯೂ ಫಲವತ್ತತೆ ದರದಲ್ಲಿ ನಿರಂತರ ಇಳಿಕೆ ಕಂಡುಬರುತ್ತಿದೆ. 1950ರಲ್ಲಿ ಪ್ರತಿ ಮಹಿಳೆಗೆ ಸರಾಸರಿ 4.9 ಮಕ್ಕಳಿದ್ದ ಜಾಗತಿಕ ಫಲವತ್ತತೆ ದರವು ಪ್ರಸ್ತುತ ಸುಮಾರು 2.2ಕ್ಕೆ ಇಳಿಕೆಯಾಗಿದೆ. ಜಾಗತಿಕ ಪುನರ್‌ಸ್ಥಾಪನಾ ಮಟ್ಟವಾದ 2.1ಕ್ಕೆ ಇದು ಅತ್ಯಂತ ಸಮೀಪದಲ್ಲಿದೆ.
ವರದಿಯ ಪ್ರಕಾರ, ವಿಶ್ವದ ಶೇ.70ಕ್ಕೂ ಹೆಚ್ಚು ಜನಸಂಖ್ಯೆಯು ಪ್ರಸ್ತುತ ಪುನರ್‌ಸ್ಥಾಪನಾ ಮಟ್ಟದಲ್ಲಿರುವ ಅಥವಾ ಅದಕ್ಕಿಂತ ಕಡಿಮೆ ಫಲವತ್ತತೆ ದರ ಹೊಂದಿರುವ ದೇಶಗಳಲ್ಲಿ ವಾಸಿಸುತ್ತಿದೆ.
ಫಲವತ್ತತೆ ದರದ ನಿರಂತರ ಕುಸಿತವು ಮುಂದಿನ ದಶಕಗಳಲ್ಲಿ ಜನಸಂಖ್ಯೆಯ ವಯೋವಿನ್ಯಾಸದ ಮೇಲೆ ಪರಿಣಾಮ ಬೀರುವ ಸಾಧ್ಯತೆಯಿದ್ದು, ವೃದ್ಧರ ಪ್ರಮಾಣ ಹೆಚ್ಚಳದೊಂದಿಗೆ ಕಾರ್ಮಿಕ ವಯಸ್ಸಿನ ಜನಸಂಖ್ಯೆಯ ಪಾಲು ಕಡಿಮೆಯಾಗುವಂತಹ ಬದಲಾವಣೆಗಳು ಎದುರಾಗಬಹುದು ಎಂದು ವರದಿ ಸೂಚಿಸುತ್ತದೆ.
