ಮುಂಬೈ : ನವಿ ಯುಪಿಐ ಗ್ಲೋಬಲ್ ಫಿನ್ಟೆಕ್ ಫೆಸ್ಟ್ (ಜಿಎಫ್ಎಫ್) 2025ರಲ್ಲಿ ಭಾರತ್ ಕನೆಕ್ಟ್ ಮೂಲಕ 2 ಹೊಸ ಸೌಲಭ್ಯಗಳನ್ನು ಪರಿಚಯಿಸಿದೆ. ರಿಸರ್ವ್ ಪೇ ಮತ್ತು ಇವಿ ರಿಚಾರ್ಜ್ ಪೇಯ್ಮೆಂಟ್ ಸೌಲಭ್ಯ ಇನ್ನು ನವಿ ಯುಪಿಐ ಗ್ರಾಹಕರಿಗೆ ಲಭ್ಯವಿರಲಿದೆ. ಈ ಹೊಸ ಸೌಲಭ್ಯಗಳು ನವಿ ಮೂಲಕ ನಿತ್ಯದ ಪೇಯ್ಮೆಂಟ್ಗಳನ್ನು ಮತ್ತಷ್ಟು ಸರಳ ಮತ್ತು ವಿಶ್ವಾಸಾರ್ಹಗೊಳಿಸಿದೆ.
ರಿಸರ್ವ್ ಪೇ ಸೌಲಭ್ಯವು ಗ್ರಾಹಕರಿಗೆ ತಮ್ಮ ಖಾತೆಯಲ್ಲಿ ನಿರ್ದಿಷ್ಟ ಮೊತ್ತವನ್ನು ಬ್ಲಾಕ್ ಮಾಡಲು ನೆರವಾಗುತ್ತದೆ ಹಾಗೂ ಬಹು ಪಾವತಿಯನ್ನು ಅನುಮೋದಿಸುತ್ತದೆ. ರುಪೇ ಕ್ರೆಡಿಟ್ ಕಾರ್ಡ್ ಮತ್ತು ಉಳಿತಾಯ ಖಾತೆ ಎರಡನ್ನೂ ಬೆಂಬಲಿಸುತ್ತಾ ಈ ಸೌಲಭ್ಯವು ಇ ಕಾಮರ್ಸ್, ಪ್ರವಾಸ, ಫುಡ್ ಡೆಲಿವರಿ ಮತ್ತು ಚಂದಾದಾರಿಕೆಯ ಪೇಯ್ಮೆಂಟ್ಗಳಲ್ಲಿ ನಮ್ಯತೆ ಮತ್ತು ನಂಬಿಕೆಯನ್ನು ಹೆಚ್ಚಿಸಿದೆ. ವ್ಯಾಪಾರಿಗಳಿಗೆ ಇದು ಡೆಲಿವರಿ ಬಳಿಕ ಖಾತೆಯಿಂದ ಹಣ ಪಾವತಿಯ ಸೌಲಭ್ಯ ನೀಡಿ ಪೇಯ್ಮೆಂಟ್ ಖಾತರಿ ನೀಡುವುದು ಹಾಗೂ ಕ್ಯಾಶ್ ಆನ್ ಡೆಲಿವರಿ ಯಲ್ಲಿನ ಅಪಾಯವನ್ನು ತಗ್ಗಿಸುತ್ತದೆ.
ಇದನ್ನು ಓದಿ: ಐಪಿಒ ಅದೃಷ್ಟ ಪರೀಕ್ಷೆಗೆ ಅಸೋಸಿಯೇಟೆಡ್ ಪವರ್ ಸ್ಟ್ರಕ್ಚರ್ ಸಜ್ಜು- ಕರಡು ದಾಖಲೆ ಸಲ್ಲಿಕೆ
ನವಿ ಅಪ್ಲಿಕೇಶನ್ ಭಾರತ್ ಕನೆಕ್ಟ್ ಮೂಲಕ ಇವಿ ರೀಚಾರ್ಜ್ ಸೌಲಭ್ಯವನ್ನೂ ಆರಂಭಿಸಿದೆ. ಇದು ಇವಿ ವಾಹನ ಮಾಲೀಕರಿಗೆ ನವಿ ಆಪ್ ಮೂಲಕ ಚಾರ್ಜಿಂಗ್ ವಾಲೆಟ್ ಟಾಪ್ಅಪ್ ಮಾಡುವ ಅವಕಾಶ ನೀಡುತ್ತದೆ. ಈ ಅಳವಡಿಕೆಯು ಭಾರತ್ ಬಿಲ್ಪೇ ನ ‘ ವಾಲಿಡೇಟ್ ಆಂಡ್ ಪೇ” ( ಪರಿಶೀಲಿಸಿ ಪಾವತಿಸಿ) ಚೌಕಟ್ಟಿನಲ್ಲಿ ಎಲ್ಲಾ ಚಾರ್ಜಿಂಗ್ ನೆಟ್ವರ್ಕ್ಗಳಲ್ಲಿ ತಡೆಇಲ್ಲದ , ರಿಯಲ್ ಟೈಮ್, ಪಾರದರ್ಶಕ ರಿಚಾರ್ಜ್ ಅನುಭವವನ್ನು ಒದಗಿಸುತ್ತದೆ. ಒಟ್ಟಾಗಿ ಈ ಎರಡು ಹೊಸ ಬಿಡುಗಡೆಗಳು ನವಿಯ ಗ್ರಾಹಕ ಕೇಂದ್ರಿತ ಪೇಯ್ಮಂಟ್ ವ್ಯವಸ್ಥೆಯನ್ನು ಕಲ್ಪಿಸುವ ಗುರಿಯನ್ನು ವಿಸ್ತರಿಸುವುದಲ್ಲದೇ ಎನ್ಪಿಸಿಐ ನ ಯುಪಿಐ ಆಧಾರಿತ ಡಿಜಿಟಲ್ ಮೂಲಸೌಕರ್ಯ ಗುರಿಗೆ ಬೆಂಬಲವಾಗಿದೆ.
ಈ ಕುರಿತು ಮಾತನಾಡಿದ ನವಿ ಲಿಮಿಟೆಡ್ (ಹಿಂದೆ ನವಿ ಟೆಕ್ನಾಲಜೀಸ್ ಲಿಮಿಟೆಡ್) ನ ಎಂಡಿ ಮತ್ತು ಸಿಇಒ ರಾಜೀವ್ ನರೇಶ್ “ ರಿಸರ್ವ್ ಪೇ ಮತ್ತು ಇವಿ ರೀಚಾರ್ಜ್ನಂತಹ ನಾವೀನ್ಯತೆಗಳನ್ನು ಪರಿಚಯಿಸುವ ಮೂಲಕ, ನಾವು ನೈಜ-ಪ್ರಪಂಚದ ಅಗತ್ಯಗಳನ್ನು ಪೂರೈಸುವ ಪರಿಹಾರಗಳನ್ನು ನೀಡುತ್ತಿದ್ದೇವೆ – ಸುರಕ್ಷಿತ, ಹೊಂದಿಕೊಳ್ಳುವ ಪಾವತಿ ಆಯ್ಕೆಗಳಿಂದ ಹಿಡಿದು ಇವಿ ಮಾಲೀಕರಿಗೆ ತಡೆರಹಿತ ಇಂಧನ ಮರುಪೂರಣಗಳವರೆಗೆ ಇದು ಗ್ರಾಹಕರು ಮತ್ತು ವ್ಯವಹಾರಗಳಿಗೆ ಸಲೀಸಾಗಿ ಕೆಲಸ ಮಾಡುವ ಸಂಪರ್ಕಿತ ಪರಿಸರ ವ್ಯವಸ್ಥೆಯನ್ನು ನಿರ್ಮಿಸುತ್ತದೆ, ”ಎಂದು ಹೇಳಿದರು.
ಎರಡೂ ವೈಶಿಷ್ಟ್ಯಗಳನ್ನು ಆಂಡ್ರಾಯ್ಡ್ ಮತ್ತು ಐಒಎಸ್ ಸಾಧನಗಳಲ್ಲಿ ಹಂತ ಹಂತವಾಗಿ ಪರಿಚಯಿಸಲಾಗುತ್ತಿದ್ದು, ಮುಂಬರುವ ದಿನಗಳಲ್ಲಿ ಎಲ್ಲಾ ನವಿ ಯುಪಿಐ ಬಳಕೆದಾರರಿಗೆ ಲಭ್ಯವಿರುತ್ತದೆ.
