ಪ್ರಕೃತಿ ನೀನೆಷ್ಟು ಸುಂದರ

ಅದೋ ಕಾನನ ಕೂಗಿದೆ ಕಾಜಾಣ,

ವಸಂತ ಮಾಸ ಬಂದಿದೆ;

ಹಸಿರು ವನವು ಚಿಗುರಿದೆ,

ನೋಡು… ನೋಡು… ನೀನೋಡು!

ಅದೋ ಕೋಗಿಲೆ ಕೂಗುತ ನಲಿದಿದೆ,

ನವಿಲು ಗರಿಯ ಕೆದರುತ

ನೃತ್ಯವನು ಮಾಡಿದೆ;

ಎಷ್ಟು ಚೆನ್ನ… ಚೆನ್ನ… ಚೆನ್ನ!

ಅದೋ ಧುಮುಕಿದೆ ನೀರು, ಹರಿದಿದೆ,

ನರಿಯು ನೀರು ಕುಡಿದಿದೆ;

ಮೊಸಳೆ ಬಾಯಿ ತೆರೆದಿದೆ—

ದಾಹ… ದಾಹ… ನೀರ ದಾಹ!

ಅದೋ ನೋಡು ಆನೆಯನ್ನು,

ಹೆಡೆ ಬಿಚ್ಚಿದ ಸರ್ಪವ,

ಹುಲಿಯು ನೆಗೆದು ಓಡಿದೆ,

ಜಿಂಕೆ ಅವಿತು ಕುಳಿತಿದೆ;

ಎಷ್ಟು ಭೀತಿ… ಭೀತಿ… ಭೀತಿ!

ಪ್ರಕೃತಿ, ನೀನೆಷ್ಟು ಸುಂದರ!

ರಮ್ಯ ಬೃಂದಾವನ!

ಗಾಳಿ ತೂರಿ ಬರುತಿದೆ,

ಸುಗಂಧ ಹೊತ್ತು ತರುತಿದೆ;

ಎಷ್ಟು ಮಧುರ… ಮಧುರ…

ಸುಮಧುರ!

—

ಗೊರೂರು ಅನಂತರಾಜು

ಹಾಸನ

ವಿಳಾಸ:ಹುಣಸಿನಕೆರೆ ಬಡಾವಣೆ,

29ನೇ ವಾರ್ಡ್, 3ನೇ ಕ್ರಾಸ್,

ಹಾಸನ – 573201.

ಮೊಬೈಲ್: 9449462879