ಬೆಂಗಳೂರು, ಅ. 15: ಕರ್ನಾಟಕದ ಸಾಂಸ್ಕೃತಿಕ ಪರಂಪರೆ ಮತ್ತು ಮೈಸೂರಿನ ದಸರಾ ವೈಭವವನ್ನು ಒಂದೇ ವೇದಿಕೆಯಲ್ಲಿ ಪರಿಚಯಿಸುವ ಉದ್ದೇಶದಿಂದ ವಂಡರ್‌ಲಾ ಬೆಂಗಳೂರು ವತಿಯಿಂದ ಅಕ್ಟೋಬರ್ 10ರಿಂದ 25ರವರೆಗೆ 16 ದಿನಗಳ ದಸರಾ ಉತ್ಸವ ಆಯೋಜಿಸಲಾಗಿದೆ. ಮೈಸೂರು ಅರಮನೆಯಿಂದ ಪ್ರೇರಿತ ಅಲಂಕಾರ, ಸಾಂಪ್ರದಾಯಿಕ ಮೆರವಣಿಗೆ, ಸಂಗೀತ ಕಾರ್ಯಕ್ರಮಗಳು, ಹಬ್ಬದ ವಿಶೇಷ ಭೋಜನ ಹಾಗೂ ಮನರಂಜನಾ ಚಟುವಟಿಕೆಗಳು ಉತ್ಸವದ ಪ್ರಮುಖ ಆಕರ್ಷಣೆಗಳಾಗಿವೆ.
ದಸರಾ ಸಂಭ್ರಮದ ಅಂಗವಾಗಿ ವಂಡರ್‌ಲಾ ಉದ್ಯಾನವನವನ್ನು ಮೈಸೂರು ಅರಮನೆಯ ವೈಭವವನ್ನು ನೆನಪಿಸುವ ರೀತಿಯಲ್ಲಿ ಸಿಂಗಾರಿಸಲಾಗಿದೆ. ಪರಿಸರಸ್ನೇಹಿ ಅಲಂಕಾರಗಳು, ಪ್ರವೇಶದ್ವಾರದಲ್ಲಿ ಮ್ಯಾಸ್ಕಾಟ್‌ಗಳ ಸ್ವಾಗತ, ಲೈವ್ ಬ್ಯಾಂಡ್‌ನೊಂದಿಗೆ ಸಾಂಪ್ರದಾಯಿಕ ಮೆರವಣಿಗೆ ಸೇರಿದಂತೆ ಹಲವು ವಿಶೇಷ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ.
ಮೈಸೂರು ದಸರಾ ಸಂಸ್ಕೃತಿಯನ್ನು ಬಿಂಬಿಸುವ ಅರಮನೆ ಮಾದರಿಯ ಕಲಾಕೃತಿ, ಆನೆಗಳ ಥೀಮ್‌ನ ಫೋಟೋ ಬೂತ್, ದಸರಾ ಗೊಂಬೆಗಳ ಪ್ರದರ್ಶನ, ಮಹಿಷಾಸುರನ ಕಟೌಟ್‌ಗಳು ಹಾಗೂ ಮಲ್ಲಕಂಬ ಪ್ರದರ್ಶನಗಳು ಪ್ರವಾಸಿಗರನ್ನು ಆಕರ್ಷಿಸಲಿವೆ. ಸ್ಥಳೀಯ ಸಂಗೀತದೊಂದಿಗೆ ಪಿಟೀಲು ವಾದನದಂತಹ ಸಾಂಸ್ಕೃತಿಕ ಕಾರ್ಯಕ್ರಮಗಳೂ ನಡೆಯಲಿವೆ.
ಹಬ್ಬದ ಸಂಭ್ರಮವನ್ನು ಮತ್ತಷ್ಟು ಹೆಚ್ಚಿಸಲು ಡಿಜೆ ವೇವ್ ಪೂಲ್ ಪಾರ್ಟಿ, ಡಿಜೆ ನೈಟ್ಸ್ ಹಾಗೂ ಜುಂಬಾ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ. ಕುಟುಂಬದ ಸದಸ್ಯರು ಒಟ್ಟಾಗಿ ಪಾಲ್ಗೊಳ್ಳಲು ಅನುಕೂಲವಾಗುವಂತೆ ಕುಂಬಾರಿಕೆ ಮತ್ತು ಚಿತ್ರಕಲೆಯಂತಹ ಸೃಜನಾತ್ಮಕ ಚಟುವಟಿಕೆಗಳನ್ನೂ ಹಮ್ಮಿಕೊಳ್ಳಲಾಗಿದೆ. ಇದರೊಂದಿಗೆ ವಿಶೇಷ ಸಾಂಪ್ರದಾಯಿಕ ಹಬ್ಬದ ಊಟದ ವ್ಯವಸ್ಥೆಯೂ ಇರಲಿದೆ.
₹1,099ರಿಂದ ದಸರಾ ಟಿಕೆಟ್ ಲಭ್ಯ
ದಸರಾ ಉತ್ಸವದ ಅಂಗವಾಗಿ ವಂಡರ್‌ಲಾ ಬೆಂಗಳೂರು ವಿಶೇಷ ರಿಯಾಯಿತಿ ದರದಲ್ಲಿ ನಿಗದಿತ ದಿನಾಂಕದ ಟಿಕೆಟ್‌ಗಳನ್ನು ಪರಿಚಯಿಸಿದೆ. 2026ರ ಅಕ್ಟೋಬರ್ 4ರಿಂದ 25ರವರೆಗೆ ಟಿಕೆಟ್ ಕಾಯ್ದಿರಿಸಲು ಅವಕಾಶವಿದ್ದು, ಅಕ್ಟೋಬರ್ 10ರಿಂದ 25ರ ನಡುವಿನ ಉದ್ಯಾನವನ ಭೇಟಿಗಳಿಗೆ ಈ ಟಿಕೆಟ್‌ಗಳು ಮಾನ್ಯವಾಗಿರುತ್ತವೆ.
ಎಂಟು ಗಂಟೆಗಳ ಪ್ರವೇಶ ಟಿಕೆಟ್ ದರ ₹1,099ರಿಂದ ಹಾಗೂ 11 ಗಂಟೆಗಳ ಟಿಕೆಟ್ ದರ ₹1,199ರಿಂದ ಆರಂಭವಾಗಲಿದ್ದು, ಎರಡೂ ದರಗಳಲ್ಲಿ ತೆರಿಗೆ ಸೇರಿದೆ. ಪ್ರವಾಸಿಗರು ದಸರಾ ಟಿಕೆಟ್‌ನೊಂದಿಗೆ ಹವಾನಿಯಂತ್ರಿತ (ಎಸಿ) ಬಫೆ ಊಟವನ್ನು ಒಳಗೊಂಡ ಕಾಂಬೊ ಆಯ್ಕೆಯನ್ನೂ ಪಡೆಯಬಹುದು. ಈ ಕಾಂಬೊದಲ್ಲಿ ಬಫೆ ಊಟ ₹699ರ ರಿಯಾಯಿತಿ ದರದಲ್ಲಿ ಲಭ್ಯವಿರಲಿದೆ. ಈ ವಿಶೇಷ ದರಗಳು ಪ್ರತಿದಿನ ಸೀಮಿತ ಸಂಖ್ಯೆಯ ಟಿಕೆಟ್‌ಗಳಿಗೆ ಮಾತ್ರ ಅನ್ವಯಿಸುತ್ತವೆ.
ಸಂಪ್ರದಾಯ ಮತ್ತು ಆಧುನಿಕ ಮನರಂಜನೆಯ ಸಂಗಮ
ಈ ಕುರಿತು ಮಾತನಾಡಿದ ವಂಡರ್‌ಲಾ ಹಾಲಿಡೇಸ್ ಲಿಮಿಟೆಡ್‌ನ ಮುಖ್ಯ ಕಾರ್ಯಾಚರಣಾಧಿಕಾರಿ (ಸಿಒಒ) ಧೀರನ್ ಚೌಧರಿ, “ಕರ್ನಾಟಕದ ಸಾಂಸ್ಕೃತಿಕ ಪರಂಪರೆಯಲ್ಲಿ ದಸರಾಕ್ಕೆ ವಿಶೇಷ ಸ್ಥಾನವಿದೆ. ಈ ವರ್ಷ ನಾಡಿನ ಸಂಪ್ರದಾಯಗಳಲ್ಲಿ ಬೇರೂರಿರುವ ರೀತಿಯಲ್ಲಿ ಹಬ್ಬವನ್ನು ಆಚರಿಸುವ ಉದ್ದೇಶ ಹೊಂದಿದ್ದೇವೆ. ದಸರಾದಂತಹ ಹಬ್ಬಗಳು ಜನರನ್ನು ಒಗ್ಗೂಡಿಸುವುದರ ಜತೆಗೆ, ಕುಟುಂಬಗಳು ದೀರ್ಘಕಾಲ ನೆನಪಿನಲ್ಲಿಟ್ಟುಕೊಳ್ಳುವ ಅನುಭವಗಳನ್ನು ನೀಡುತ್ತವೆ.
“ಯುವ ಪೀಳಿಗೆ ಬಯಸುವ ಉತ್ಸಾಹ ಮತ್ತು ಮನರಂಜನೆಯೊಂದಿಗೆ ನಮ್ಮ ಸಾಂಸ್ಕೃತಿಕ ಪರಂಪರೆಯನ್ನು ಸಂಭ್ರಮಿಸುವ ಅವಕಾಶವನ್ನು ಎಲ್ಲರಿಗೂ ಕಲ್ಪಿಸುವುದು ನಮ್ಮ ಗುರಿ. ಈ ಉತ್ಸವವನ್ನು ಜವಾಬ್ದಾರಿಯುತವಾಗಿ ಆಯೋಜಿಸುವ ನಿಟ್ಟಿನಲ್ಲಿ ಪರಿಸರಸ್ನೇಹಿ ಅಲಂಕಾರಗಳಿಗೆ ಆದ್ಯತೆ ನೀಡಲಾಗಿದೆ. ಜನರನ್ನು ಹತ್ತಿರ ತರುವ, ನಮ್ಮ ಸಂಪ್ರದಾಯಗಳನ್ನು ಗೌರವಿಸುವ ಮತ್ತು ಎಲ್ಲರೂ ಒಟ್ಟಾಗಿ ಸಂಭ್ರಮಿಸುವ ಅನುಭವವನ್ನು ನೀಡುವುದೇ ವಂಡರ್‌ಲಾದ ಆಶಯವಾಗಿದೆ” ಎಂದು ತಿಳಿಸಿದರು.
ದಸರಾ ರಜೆಯ ಸಂದರ್ಭದಲ್ಲಿ ಸಂಪ್ರದಾಯ, ಸಂಸ್ಕೃತಿ, ಸಂಗೀತ ಮತ್ತು ರೋಮಾಂಚನವನ್ನು ಒಟ್ಟಿಗೆ ಅನುಭವಿಸಲು ಬಯಸುವವರು ವಂಡರ್‌ಲಾ ಬೆಂಗಳೂರಿನ 16 ದಿನಗಳ ಉತ್ಸವದಲ್ಲಿ ಪಾಲ್ಗೊಳ್ಳಬಹುದು.
ಕೊನೆಯ ಕ್ಷಣದ ಜನದಟ್ಟಣೆ ತಪ್ಪಿಸಲು ಪ್ರವಾಸಿಗರು ಮುಂಚಿತವಾಗಿಯೇ ಆನ್‌ಲೈನ್‌ನಲ್ಲಿ ಟಿಕೆಟ್ ಕಾಯ್ದಿರಿಸುವಂತೆ ವಂಡರ್‌ಲಾ ಸಂಸ್ಥೆ ಮನವಿ ಮಾಡಿದೆ.
ಟಿಕೆಟ್ ಕಾಯ್ದಿರಿಸುವಿಕೆ: ವಂಡರ್‌ಲಾ ಆನ್‌ಲೈನ್ ಬುಕ್ಕಿಂಗ್�
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ:
ವಂಡರ್‌ಲಾ ಬೆಂಗಳೂರು: +91 80372 30333
ಮೊಬೈಲ್: +91 9945557777
