ಬೆಂಗಳೂರು, ಆಗಸ್ಟ್ 12, 2026:* ಪ್ರಮುಖ ಮೂಲಸೌಕರ್ಯ EPC ಕಂಪನಿಯಾದ *ಜಾಕ್ಸನ್ ಇನ್ಫ್ರಾ* , ಕರ್ನಾಟಕದಲ್ಲಿ 400 ಕೆವಿ ಡಬಲ್ ಸರ್ಕ್ಯೂಟ್ (ಕ್ವಾಡ್) ಜಗಳೂರು–ಕಡಕೋಳ ಪ್ರಸರಣ ಮಾರ್ಗದ ಎಲಿಮೆಂಟ್ 1B (ಮಧ್ಯ ವಿಭಾಗ) ಯೋಜನೆಯ ಎಂಜಿನಿಯರಿಂಗ್, ಪೂರೈಕೆ ಮತ್ತು ನಿರ್ಮಾಣ ಕಾರ್ಯಗಳಿಗಾಗಿ Resonia Limitedನಿಂದ ₹128.21 ಕೋಟಿ ಮೌಲ್ಯದ ಗುತ್ತಿಗೆಯನ್ನು ಪಡೆದುಕೊಂಡಿದೆ. ಯೋಜನೆಯಡಿ ಸುಮಾರು 90.07 ಕಿ.ಮೀ. ಉದ್ದದ ಪ್ರಸರಣ ಮಾರ್ಗ ನಿರ್ಮಾಣವಾಗಲಿದೆ.
ಈ ಯೋಜನೆಯು ಕರ್ನಾಟಕದ ವಿದ್ಯುತ್ ಪ್ರಸರಣ ಜಾಲವನ್ನು ಬಲಪಡಿಸುವ ಉದ್ದೇಶದ ಮಹತ್ವದ ಯೋಜನೆಯ ಭಾಗವಾಗಿದೆ. ಇದರ ಅಡಿಯಲ್ಲಿ ಮಂಡ್ಯ ಜಿಲ್ಲೆಯಲ್ಲಿ 400 ಕೆವಿ ಹಂಪಾಪುರ ಉಪಕೇಂದ್ರ ಹಾಗೂ ಸಂಬಂಧಿತ ಪ್ರಸರಣ ಮಾರ್ಗಗಳ ಸ್ಥಾಪನೆ ಒಳಗೊಂಡಿದೆ. ಈ ಯೋಜನೆಯನ್ನು REC Power Development and Consultancy Limited (RECPDCL) ಸಂಸ್ಥೆಯು ಸುಂಕ ಆಧಾರಿತ ಸ್ಪರ್ಧಾತ್ಮಕ ಬಿಡ್ಡಿಂಗ್ (TBCB) ಪ್ರಕ್ರಿಯೆಯ ಮೂಲಕ Resonia Limitedಗೆ ನೀಡಿದೆ.
ಈ ಕುರಿತು ಜಾಕ್ಸನ್ ಇನ್ಫ್ರಾ ವಕ್ತಾರರು ಮಾತನಾಡಿ, “ಕರ್ನಾಟಕದ ಪ್ರಮುಖ ವಿದ್ಯುತ್ ಪ್ರಸರಣ ಯೋಜನೆಯಲ್ಲಿ Resonia Limitedನೊಂದಿಗೆ ಪಾಲುದಾರರಾಗಲು ಸಂತಸವಾಗುತ್ತಿದೆ. ಈ ಗುತ್ತಿಗೆಯು ನಮ್ಮ ಯೋಜನಾ ಅನುಷ್ಠಾನ ಸಾಮರ್ಥ್ಯದ ಮೇಲಿನ ವಿಶ್ವಾಸವನ್ನು ಪ್ರತಿಬಿಂಬಿಸುತ್ತದೆ. ದೇಶದ ಹೆಚ್ಚುತ್ತಿರುವ ವಿದ್ಯುತ್ ಅಗತ್ಯಗಳನ್ನು ಪೂರೈಸಲು ವಿಶ್ವಾಸಾರ್ಹ ಮತ್ತು ಉತ್ತಮ ಗುಣಮಟ್ಟದ ವಿದ್ಯುತ್ ಮೂಲಸೌಕರ್ಯ ನಿರ್ಮಾಣಕ್ಕೆ ನಾವು ಬದ್ಧರಾಗಿದ್ದೇವೆ,” ಎಂದರು.
ಗುತ್ತಿಗೆಯ ಭಾಗವಾಗಿ ಜಾಕ್ಸನ್ ಇನ್ಫ್ರಾ ಸಂಸ್ಥೆಯು ಯೋಜನೆಯ ಸಂಬಂಧಿತ ವಿಭಾಗಕ್ಕೆ ಎಂಜಿನಿಯರಿಂಗ್, ಸಂಗ್ರಹಣೆ, ಪೂರೈಕೆ, ನಿರ್ಮಾಣ, ಪರೀಕ್ಷೆ ಮತ್ತು ಕಾರ್ಯಾರಂಭ (EPCST&C) ಸೇರಿದಂತೆ ಸಂಪೂರ್ಣ ಕಾರ್ಯಗಳನ್ನು ನಿರ್ವಹಿಸಲಿದೆ.
ಯೋಜನೆ ಪೂರ್ಣಗೊಂಡ ಬಳಿಕ ಕರ್ನಾಟಕದ ವಿದ್ಯುತ್ ಪ್ರಸರಣ ಸಾಮರ್ಥ್ಯ ಮತ್ತಷ್ಟು ಹೆಚ್ಚಲಿದ್ದು, ಗ್ರಿಡ್ನ ವಿಶ್ವಾಸಾರ್ಹತೆ ಸುಧಾರಿಸಲಿದೆ. ಇದರೊಂದಿಗೆ ರಾಜ್ಯದಲ್ಲಿ ಹೆಚ್ಚುತ್ತಿರುವ ವಿದ್ಯುತ್ ಬೇಡಿಕೆಯನ್ನು ಪೂರೈಸಲು ಹಾಗೂ ಬಲಿಷ್ಠ ಮತ್ತು ಸ್ಥಿತಿಸ್ಥಾಪಕ ವಿದ್ಯುತ್ ಮೂಲಸೌಕರ್ಯ ನಿರ್ಮಾಣಕ್ಕೆ ಈ ಯೋಜನೆ ಸಹಕಾರಿಯಾಗಲಿದೆ.
ಈ ಗುತ್ತಿಗೆಯು ಭಾರತದ ವಿದ್ಯುತ್ ಪ್ರಸರಣ ಕ್ಷೇತ್ರದಲ್ಲಿ ವಿಶ್ವಾಸಾರ್ಹ EPC ಪಾಲುದಾರನಾಗಿ ಜಾಕ್ಸನ್ ಇನ್ಫ್ರಾದ ಸ್ಥಾನವನ್ನು ಮತ್ತಷ್ಟು ಬಲಪಡಿಸುವುದರ ಜೊತೆಗೆ, ದೇಶದ ಇಂಧನ ಮೂಲಸೌಕರ್ಯ ಅಭಿವೃದ್ಧಿಯಲ್ಲಿ ಕಂಪನಿಯ ಹೆಚ್ಚುತ್ತಿರುವ ಪಾತ್ರವನ್ನು ಪ್ರತಿಬಿಂಬಿಸುತ್ತದೆ.
