ಕಾದಾಟ | ಅಸುನೀಗಿದ ‘ಮಾರ್ತಾಂಡ’: ಮಾವುತ, ಕಾವಾಡಿಗರ ಆಕ್ರಂದನ

ಸೌಮ್ಯ ಸ್ವಭಾವದ ಮಾರ್ತಾಂಡ:

ಹೆಸರು ಮಾರ್ತಾಂಡ ಎಂದಿದ್ದರೂ ಆನೆ ಸೌಮ್ಯ ಸ್ವಭಾವದ್ದಾಗಿತ್ತು. ಬೇರೆ ಆನೆಗಳ ತಂಟೆಗೆ ಹೋಗುತ್ತಿರಲಿಲ್ಲ. ಪ್ರವಾಸಿಗರು ಎಷ್ಟೇ ಕಿರಿಕಿರಿ ಮಾಡಿದರೂ ಸಹಿಸಿಕೊಳ್ಳುತ್ತಿತ್ತು. ಹೀಗಾಗಿ ಎಲ್ಲರಿಗೂ ಪ್ರಿಯವಾಗಿತ್ತು. ಪ್ರವಾಸಿಗರಿಂದ ಸ್ನಾನ ಮಾಡಿಸಲು ಸಿಬ್ಬಂದಿ ಇದನ್ನೇ ಮುಂದೆ ಬಿಡುತ್ತಿದ್ದರು. ಸೂಚನೆಗಳನ್ನು ಚಾಚೂ ತಪ್ಪದೇ ಪಾಲಿಸುತ್ತಿದ್ದರಿಂದ  ಮಾವುತ, ಕಾವಾಡಿಗಳಿಗೂ ಅಚ್ಚುಮೆಚ್ಚಿನದ್ದಾಗಿತ್ತು.

ಹಾಸನ ಜಿಲ್ಲೆಯ ಆಲೂರಿನಲ್ಲಿ 2023ರಲ್ಲಿ ಸೆರೆ ಹಿಡಿಯಲಾಗಿದ್ದ ಈ ಮಾರ್ತಾಂಡ ಆನೆ ಮಖನಾ (ದಂತ ಇರದ ಗಂಡು ಆನೆ) ಜಾತಿಗೆ ಸೇರಿತ್ತು. ಬರೋಬ್ಬರಿ 4,500 ಕೆ.ಜಿ. ತೂಕವಿತ್ತು. 3 ವರ್ಷಗಳಿಂದ ದುಬಾರೆಯಲ್ಲಿ ಸಿಬ್ಬಂದಿಗೂ ಪ್ರಿಯವಾಗಿತ್ತು. ಹೀಗಾಗಿ, ಶಿಬಿರದಲ್ಲಿ ಶೋಕ ಮಡುಗಟ್ಟಿದೆ.

ಆನೆಯ ಕೆಳಗೆ ಸಿಲುಕಿ ಮೃತ‍ಪಟ್ಟ ಜೋಯ್ಸಿ ಅವರ ಮೃತದೇಹವನ್ನು ಮರಣೋತ್ತರ ಪರೀಕ್ಷೆ ನಡೆಸಿದ ಬಳಿಕ ಸೋಮವಾರ ರಾತ್ರಿಯೇ ತಮಿಳುನಾಡಿಗೆ ಅವರ ಪತಿ ಒಯ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಮಾಧ್ಯಮದವರಿಗೆ ನಿರ್ಬಂಧ: ವರದಿ ಮಾಡಲು ಮಂಗಳವಾರ ಸಾಕಾನೆ ಶಿಬಿರಕ್ಕೆ ತೆರಳಿದ್ದ ಮಾಧ್ಯಮದವರಿಗೆ ಪ್ರವೇಶ ನಿರಾಕರಿಸಲಾಯಿತು.

ಕಾವೇರಿ ನದಿಯಲ್ಲಿ ನೀರು ತುಸು ಹೆಚ್ಚಿದ್ದರಿಂದ ನಡೆದು ಹೋಗಲು ಸಾಧ್ಯವಿರಲಿಲ್ಲ. ನದಿ ದಾಟಲು ಬೋಟ್‌ ಕೊಡಲಿಲ್ಲ. ನದಿಯ ಆಚೆ ದಡದಲ್ಲಿ ನಿಂತುಕೊಂಡೇ ಕೆಲವರು ದೃಶ್ಯಾವಳಿ
ಗಳನ್ನು ಸೆರೆ ಹಿಡಿದರು.