ಕೊರಟಗೆರೆ-ಟಿ.ಎ.ಪಿ.ಸಿ.ಎಂ.ಎಸ್ ಗೆ 8 ಆಭ್ಯರ್ಥಿಗಳು ಅವಿರೋಧ ಆಯ್ಕೆ

ಕೊರಟಗೆರೆ;– ಕೊರಟಗೆರೆ ತಾಲ್ಲೂಕು ಟಿ.ಎ.ಪಿ.ಸಿ.ಎಂ.ಎಸ್ ಸಹಕಾರ ಸಂಘದ 2025 ರ ಚುನಾವಣೆಯಲ್ಲಿ 8 ಮಂದಿ ಅಭ್ಯರ್ಥಿಗಳು ಅವಿರೋಧವಾಗಿ ಆಯ್ಕೆಯಾಗಿದ್ದು ಉಳಿದ 4 ಸ್ಥಾನಗಳಿಗೆ ಅ.19 ರಂದು ಚುನಾವಣೆ ನಡೆಯಲಿದೆ.

ಕೊರಟಗೆರೆ ತಾಲೂಕು ಟಿ.ಎ.ಪಿ.ಸಿ.ಎಂ.ಎಸ್ ಸಹಕಾರ ಸಂಘಕ್ಕೆ ಮುಂದಿನ 5 ವರ್ಷಗಳ ಅವಧಿಯ ನಿರ್ದೇಶಕರ ಅಯ್ಕೆ ಚುನಾವಣೆ ನಡೆಯಲಿದ್ದು ಒಟ್ಟು 362 ಮತದಾರರು ಬಿ ವರ್ಗದ 7 ಸ್ಥಾನಗಳಿಗೆ ಮತ ಚಲಾಯಿಸಲಿದಾರೆ, ತಾಲೂಕು ವಿ.ಎಸ್.ಎಸ್.ಎನ್ ಸಹಕಾರ ಸಂಘಗಳಿಂದ ಉಮೇದುವಾರಿಕೆಯಾಗಿ ಬಂದ 14 ಮತದಾರರು ಎ ವರ್ಗದ 5 ಸ್ಥಾನಕ್ಕೆ ಮತ ಚಲಾಯಿಸುವರು, ಈಗಾಗಲೆ ನಾಮಪತ್ರ ಸಲ್ಲಿಸುವ ಪ್ರಕ್ರಿಯೆ ಮುಗಿದಿದ್ದು, ಎ.ವರ್ಗಕ್ಕೆ 10 ಅಭ್ಯರ್ಥಿಗಳು ಹಾಗೂ ಬಿ ವರ್ಗಕ್ಕೆ 55  ಅಭ್ಯರ್ಥಿಗಳು ನಾಮಪತ್ರಗಳನ್ನು ಸಲ್ಲಿಸಿದ್ದರು.

ಅ.13 ನಾಮಪತ್ರ ವಾಪಸ್ ಪಡೆಯಲು ಕಡೇ ದಿನಾಂಕವಾಗಿದ್ದು ಎ ವರ್ಗದಿಂದ ಕಸಬಾ ವಿ.ಎಸ್.ಎಸ್.ಎನ್. ನಿಂದ ಕೆ.ಎಸ್.ವಿನಯ್‍ಕುಮಾರ್, ಹೊಳವನಹಳ್ಳಿ ಯಿಂದ ಜಯರಾಮು, ಬರಕ ದಿಂದ ಜಿ.ಕೆ.ಕುಮಾರ್, ಎಲೆರಾಂಪುರದಿಂದ ರಾಜಶೇಖರಯ್ಯ, ಕೊಡ್ಲಹಳ್ಳಿಯಿಂದ ಸಿದ್ದಲಿಂಗಪ್ಪ ಹಾಗೂ ಬಿ,ವರ್ಗದಿಂದ ಪರಿಶಿಷ್ಠ ಪಂಗಡದಿಂದ ಕೆ.ವಿ.ಮಂಜುನಾಥ, ಹಿಂದುಳಿದ ವರ್ಗ ‘ಬಿ’ ಯಿಂದ ಕೆ.ವಿ.ಪುರುಷೋತ್ತಮ, ಪರಿಶಿಷ್ಠ ಜಾತಿಯಿಂದ ಕೆ.ರಾಘವೇಂದ್ರ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ, ಉಳಿದಂತೆ ಸಾಮಾನ್ಯ ವರ್ಗ, ಹಿಂದುಳಿದ ವರ್ಗ  ‘ಎ’ ಗಳ  ತಲಾ ಒಂದು ಸ್ಥಾನಗಳಿಗೆ ಹಾಗೂ ಮಹಿಳಾ ಮೀಸಲಿನ ಎರಡು ಸ್ಥಾನಗಳಿಗೆ ಅ.19 ರಂದು ಚುನಾವಣೆ ನಡೆಯಲಿದೆ.

– ಶ್ರೀನಿವಾಸ್‌, ಕೊರಟಗೆರೆ.