ಬೆಂಗಳೂರು, ಸೆಪ್ಟೆಂಬರ್ 30, 2026:* ಬೆಂಗಳೂರಿನ ಜನಪ್ರಿಯ ದಕ್ಷಿಣ ಭಾರತೀಯ ಕ್ಯಾಶುಯಲ್ ಡೈನಿಂಗ್ ಬ್ರ್ಯಾಂಡ್ ದಿ ಫಿಲ್ಟರ್ ಕಾಫಿ, ಟ್ರಾವೆಲ್ ಫುಡ್ ಸರ್ವಿಸಸ್ (TFS) ಸಹಭಾಗಿತ್ವದಲ್ಲಿ ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ಟರ್ಮಿನಲ್ 1ರಲ್ಲಿ ತನ್ನ ಮೊದಲ ವಿಮಾನ ನಿಲ್ದಾಣ ಮಳಿಗೆಯನ್ನು ಆರಂಭಿಸಿದೆ. ಗೇಟ್ 39ರ ಸಮೀಪದಲ್ಲಿರುವ ಈ ಮಳಿಗೆಯೊಂದಿಗೆ ಬ್ರ್ಯಾಂಡ್ನ ಒಟ್ಟು ಮಳಿಗೆಗಳ ಸಂಖ್ಯೆ 11ಕ್ಕೆ ಏರಿಕೆಯಾಗಿದೆ.
ಪ್ರಯಾಣಿಕರ ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಂಡು ಮಳಿಗೆಯನ್ನು ವಿನ್ಯಾಸಗೊಳಿಸಲಾಗಿದ್ದು, ತ್ವರಿತ ಸೇವೆಯೊಂದಿಗೆ ವಿಮಾನ ಹೊರಡುವ ಮುನ್ನ ಸಮಯ ಹೊಂದಿರುವ ಪ್ರಯಾಣಿಕರಿಗೆ ಮುಕ್ತ ಆಸನ ವ್ಯವಸ್ಥೆಯನ್ನೂ ಕಲ್ಪಿಸಲಾಗಿದೆ. ವೇಗದ ಸೇವೆ ಹಾಗೂ ದಿ ಫಿಲ್ಟರ್ ಕಾಫಿಯ ವಿಶಿಷ್ಟ ದಕ್ಷಿಣ ಭಾರತೀಯ ಆಹಾರ ಅನುಭವವನ್ನು ಒಂದೇ ಕಡೆ ಒದಗಿಸುವುದು ಇದರ ಉದ್ದೇಶವಾಗಿದೆ.
ಮಳಿಗೆಯಲ್ಲಿ ಬ್ರ್ಯಾಂಡ್ನ ಜನಪ್ರಿಯ ಫಿಲ್ಟರ್ ಕಾಫಿಯೊಂದಿಗೆ ಇಡ್ಲಿ, ಬೆಣ್ಣೆ ಇಡ್ಲಿ, ಪೊಡಿ ಇಡ್ಲಿ, ವಡೆ, ರವಾ ಉಪ್ಪಿಟ್ಟು ಮತ್ತು ವೆಣ್ ಪೊಂಗಲ್ ಸೇರಿದಂತೆ ವಿವಿಧ ಉಪಾಹಾರಗಳು ಲಭ್ಯವಿರಲಿವೆ. ಮಧ್ಯಾಹ್ನದ ಊಟಕ್ಕೆ ಸಸ್ಯಾಹಾರಿ ಬಿರಿಯಾನಿ, ಮೊಸರು ಅನ್ನ ಮತ್ತು ಪುಳಿಯೋಗರೆ ಸೇರಿದಂತೆ ಹಲವು ಆಯ್ಕೆಗಳಿವೆ. ಓಟ್ಸ್, ಬಾದಾಮಿ ಮತ್ತು ಸೋಯಾ ಹಾಲಿನಿಂದ ತಯಾರಿಸಲಾದ ಸಸ್ಯ ಆಧಾರಿತ ಪಾನೀಯಗಳಿಗೂ ಅವಕಾಶವಿದೆ.
ಪ್ರಯಾಣಿಕರಿಗೆ ತ್ವರಿತವಾಗಿ ಆಯ್ಕೆ ಮಾಡಿಕೊಳ್ಳಲು TFC ಕ್ಲಾಸಿಕ್ ಬ್ರೇಕ್ಫಾಸ್ಟ್, TFC ಆಲ್-ಡೇ ಟಿಫಿನ್ ಫೀಸ್ಟ್ ಮತ್ತು TFC ಬಿರಿಯಾನಿ ಮೀಲ್ ಎಂಬ ಮೂರು ಕಾಂಬೊಗಳನ್ನು ಪರಿಚಯಿಸಲಾಗಿದೆ.
ಈ ಕುರಿತು ಮಾತನಾಡಿದ ದಿ ಫಿಲ್ಟರ್ ಕಾಫಿಯ ಸಹ-ಸಂಸ್ಥಾಪಕ ಸಂಕೃತ್ ಅಯ್ಯರ್, “ವಿಮಾನ ನಿಲ್ದಾಣದ ಮೂಲಕ ಇನ್ನಷ್ಟು ಜನರಿಗೆ ನಮ್ಮ ಬ್ರ್ಯಾಂಡ್ ಮತ್ತು ಬೆಂಗಳೂರಿನ ವಿಶಿಷ್ಟ ಕಾಫಿ ಸಂಸ್ಕೃತಿಯನ್ನು ಪರಿಚಯಿಸಲು ಇದು ಉತ್ತಮ ಅವಕಾಶವಾಗಿದೆ. TFS ಜೊತೆಗಿನ ಸಹಭಾಗಿತ್ವದ ಮೂಲಕ ವಿಮಾನ ನಿಲ್ದಾಣಕ್ಕೆ ಪ್ರವೇಶಿಸುತ್ತಿರುವುದು ನಮಗೆ ಸಂತಸ ತಂದಿದೆ,” ಎಂದರು.
ಸಹ-ಸಂಸ್ಥಾಪಕ ಅವಿನಿತ್ ಬಾಗ್ರಿ, “ಬೆಂಗಳೂರು ನಮ್ಮ ಬ್ರ್ಯಾಂಡ್ನ ಪಯಣದ ಕೇಂದ್ರಬಿಂದುವಾಗಿದೆ. ಇದೀಗ ವಿಮಾನ ನಿಲ್ದಾಣದ ಮೂಲಕ ದೇಶ-ವಿದೇಶಗಳಿಂದ ಬರುವ ಪ್ರಯಾಣಿಕರಿಗೆ ಬೆಂಗಳೂರಿನ ರುಚಿಯನ್ನು ಪರಿಚಯಿಸುವ ಅವಕಾಶ ದೊರೆತಿದೆ. ಈ ಸಹಭಾಗಿತ್ವವು ಭವಿಷ್ಯದಲ್ಲಿ ನಮ್ಮ ಬ್ರ್ಯಾಂಡ್ ಅನ್ನು ಇನ್ನಷ್ಟು ಜನರಿಗೆ ತಲುಪಿಸಲು ನೆರವಾಗಲಿದೆ,” ಎಂದರು.
TFS ಜೊತೆಗಿನ ಈ ಸಹಭಾಗಿತ್ವದ ಮೂಲಕ ದಿ ಫಿಲ್ಟರ್ ಕಾಫಿ ತನ್ನ ವಿಶಿಷ್ಟ ದಕ್ಷಿಣ ಭಾರತೀಯ ಆಹಾರ ಮತ್ತು ಕಾಫಿ ಅನುಭವವನ್ನು ಹೆಚ್ಚಿನ ಸಂಖ್ಯೆಯ ಪ್ರಯಾಣಿಕರಿಗೆ ತಲುಪಿಸುವತ್ತ ಮತ್ತೊಂದು ಹೆಜ್ಜೆ ಇಟ್ಟಿದೆ.
